ପୂଜା ଛୁଟି ପରେ ବି ଖୋଲି ନପାରେ ପ୍ରାଥମିକ ସ୍କୁଲ

1 min read
Primary Schools May Not Opened After Puja Vacatio

ଭୁବନେଶ୍ୱର: କୋଭିଡ୍ ସଂକ୍ରମଣ ଯୋଗୁଁ ପୂଜା ଛୁଟି ପରେ ବି ଖୋଲି ନପାରେ ପ୍ରାଥମିକ ସ୍କୁଲ । ଶିଶୁଙ୍କ ମଧ୍ୟରେ ସଂକ୍ରମଣ ବୃଦ୍ଧି ଓ ଅଜଣା ଜର ଭୟକୁ ଆହୁରି ବଢ଼ାଇ ଦେଇଛି । ଅଭିଭାବକମାନେ ବି ସଂକ୍ରମଣର ଭୟ ଯୋଗୁ ଛୁଆଙ୍କୁ ସ୍କୁଲ ଛାଡ଼ିବାକୁ ଅମଙ୍ଗ ।

Primary Schools May Not Opened After Puja Vacation

ଏଥର ବି ବିନା କ୍ଲାସରେ ପାସ୍ ହୋଇପାରନ୍ତି ପ୍ରାଥମିକ ଛାତ୍ରଛାତ୍ରୀ । ପୂଜା ପରେ ପ୍ରଥମେ ଷଷ୍ଠରୁ ଅଷ୍ଟମ ଶ୍ରେଣୀ ପରୀକ୍ଷାମୂଳକ ଭାବେ ଖୋଲିବାର ଆଶା ଦେଖାଯାଇଥିଲା । ପରେ ଅନ୍ୟ ଶ୍ରେଣୀ ଖୋଲିଥାନ୍ତା । ହେଲେ ପୂଜା ସମୟର ସଂକ୍ରମଣ ସେ ଆଶା ଫିକା କରି ଦେଇଛି । କିଛି ଦିନ ତଳେ ନବମରୁ ଦ୍ୱାଦଶ ଶ୍ରେଣୀ ଖୋଲିବା ପରେ ଛାତ୍ରଛାତ୍ରୀ ଓ ସ୍କୁଲ କର୍ତ୍ତୃପକ୍ଷ ସଂକ୍ରମିତ ହୋଇଥିଲେ । ଏବେ ଦୈନିକ କୋଭିଡ୍ ହାର ପୁଣି ବଢ଼ିବାରେ ଲାଗୁଛି । ଅଧିକାଂଶ ମାମଲା ଖୋର୍ଦ୍ଧା ଜିଲ୍ଲାରୁ ଆସୁଛି । ଏପରି ସ୍ଥିତିରେ ପ୍ରାଥମିକ ସ୍କୁଲ ଖୋଲି ରିସ୍କ ନ ନେଇ ପାରନ୍ତି ରାଜ୍ୟ ସରକାର ।

Primary Schools May Not Opened After Puja Vacation

ସେପଟେ ଗତ ୧୦ ଦିନ ହେଲା ଅଜଣା ଭୂତାଣୁ ଭୟ ଘାରିଛି । ୭ ବର୍ଷ ବୟସ୍କ ପର୍ଯ୍ୟନ୍ତ ପିଲାଙ୍କୁ ଜର, ଥଣ୍ଡା, କାଶ ପରି ରୋଗ ହେଉଛି । ରାଜ୍ୟରେ ପ୍ରାୟ ୮୦ ଭାଗ ଶିଶୁ ଏଥିରେ ପୀଡ଼ିତ ଅଛନ୍ତି । ଯାହାକୁ ଦୃଷ୍ଟିରେ ରଖି ପିଲାଙ୍କୁ ସ୍କୁଲ ଛାଡ଼ିବାକୁ ଅଭିଭାବକ ଅରାଜି ହେଉଛନ୍ତି ।

Opn Commnet Area

Leave a Reply

Your email address will not be published. Required fields are marked *