ଭିସୁଟ ଛାତ୍ରୀ ଚିନ୍ମୟୀ ପ୍ରିୟଦର୍ଶିନୀ ମୃତ୍ୟୁ ମାମଲା, ଆସିଲା ପ୍ରୀତିମାନ ଓ ମାନସଙ୍କ ଲାଏ ଡିଟେକ୍ସନ ରିପୋର୍ଟ

ବୁର୍ଲା: ବୁର୍ଲା ଭିସୁଟ ଇଞ୍ଜିନିୟରିଂ ଛାତ୍ରୀ ଚିନ୍ମୟୀ ପ୍ରିୟଦର୍ଶିନୀ ସାହୁ ମୃତ୍ୟୁ ମାମଲା । ଆସିଲା ପୁରୁଷବନ୍ଧୁ ପ୍ରୀତିମାନ ଦେ ଓ ମାନସ ଟୁଡୁଙ୍କ ଲାଏ ଡିଟେକ୍ସନ ରିପୋର୍ଟ । ଏସଏଫଏସଏଲ ପକ୍ଷରୁ ସମ୍ବଲପୁର ଏସପିଙ୍କୁ ଲାଏ ଡିଟେକ୍ସନ ଟେଷ୍ଟ ରିପୋର୍ଟ ଦିଆଯାଇଛି । ରିପୋର୍ଟ ଆଧାରରେ ତଦନ୍ତ ଆଗକୁ ବଢ଼ିବ । ଆବଶ୍ୟକ ପଡ଼ିଲେ ଚିନ୍ମୟୀଙ୍କ ବୟଫ୍ରେଣ୍ଡ ପ୍ରୀତିମାନ ଓ ଅନ୍ୟ ଅଟକ ବନ୍ଧୁଙ୍କ ନାର୍କୋ ଟେଷ୍ଟ କରାଯିବ ବୋଲି ଏସପି କହିଛନ୍ତି ।

ଅନ୍ୟପଟେ ଏହି ଘଟଣାରେ ସିନ୍ ରିକ୍ରିଏସନ କରାଇଛି ପୋଲିସ । ପ୍ରୀତିମାନ ଦେ ଓ ମାନସ ଟୁଡୁଙ୍କୁ ନେଇ ସିନ୍ ରିକ୍ରିଏସନ୍ ହୋଇଛି । କେମିତି ହୋଇଥିଲା ଚିନ୍ମୟୀଙ୍କ ମୃତ୍ୟୁ ସେନେଇ ପିସି ବ୍ରିଜରେ ନିକଟରେ ଡେମୋ ଦେଖାଇଛି ପୁରୁଷ ବନ୍ଧୁ । ଫେବ୍ରୁଆରୀ ୨୮ ତାରିଖରେ ଚିନ୍ମୟୀଙ୍କ ମୃତ୍ୟୁ ହୋଇଥିବା ବେଳେ, ମାର୍ଚ୍ଚ ୧ ତାରିଖରୁ ହତ୍ୟା ମାମଲା ରୁଜୁ କରି ଛାନବିନ୍ ଚଳାଇଛି ପୋଲିସ ।