ନରେନ୍ଦ୍ର ମୋଦି ଷ୍ଟାଡିୟମ ନାଁରେ ନାମିତ ହେଲା ମୋଟେରା ଷ୍ଟାଡିୟମ
1 min read
ଅହମ୍ମଦାବାଦ୍ରେ ଆଜି ଦୁନିଆର ସବୁଠୁ ବଡ଼ କ୍ରିକେଟ୍ ଷ୍ଟାଡିୟମ ଉଦ୍ଘାଟନ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ। ଉଦ୍ଘାଟନୀ କାର୍ଯ୍ୟକ୍ରମରେ ଗୃହମନ୍ତ୍ରୀ ଅମିତ ଶାହା ଉପସ୍ଥିତ ରହି ଏହାକୁ ନରେନ୍ଦ୍ର ମୋଦି ଷ୍ଟାଡିୟମ ନାଁରେ ନାମିତ କରିଛନ୍ତି। ଆଜି ଏହି ଷ୍ଟାଡିୟମରେ ଭାରତ-ଇଂଲଣ୍ଡ ମଧ୍ୟରେ ପିଙ୍କ ବଲ୍ ଟେଷ୍ଟ ଖେଳାଯିବ। ଏହି ଷ୍ଟାଡିୟମରେ ଖେଳାଳିଙ୍କ ପାଇଁ ସମସ୍ତ ପ୍ରକାର ସୁବିଧା ରଖାଯାଇଛି। ଫଳରେ ଆସନ୍ତା ୬ମାସ ମଧ୍ୟରେ ଏଠାରେ ଅଲମ୍ପିକ୍, କମନ୍ଓ୍ବେଲ୍ଥ ଗେମ୍ ଓ ଏସିଆନ୍ ଅଲମ୍ପିଆଡ୍ ଆୟୋଜନ କରାଯାଇପାରିବ ବୋଲି ଶାହା କହିଛନ୍ତି। ଗୁଜୁରାଟ ମୁଖ୍ୟମନ୍ତ୍ରୀ ଥିବା ବେଳେ ନରେନ୍ଦ୍ର ମୋଦି ଏହି ଷ୍ଟାଡିୟମ ନେଇ ସ୍ବପ୍ନ ଦେଇଥିଲେ। ଯାହା ଏବେ ପୁରା ହୋଇଛି। ଏହି ଷ୍ଟାଡିୟମକୁ ଦୁନିଆର ସବୁଠୁ ବଡ଼ ଓ ଅତ୍ୟାଧୁନିକ ଷ୍ଟାଡିୟମ ଭାବେ ବିକଶିତ କରାଯାଇଛି।
