ମହାମହିମଙ୍କୁ କିନ୍ନରଙ୍କ ଆଶୀର୍ବାଦ

ମଞ୍ଜାମା ଯୋଗତୀ କିନ୍ନରଙ୍କୁ ମିଳିଲା ପଦ୍ମଶ୍ରୀ । ଲୋକନୃତ୍ୟରେ ମଞ୍ଜାମାଙ୍କ ବିଶେଷ ଯୋଗଦାନ ପାଇଁ ତାଙ୍କୁ ମିଳିଛି ପଦ୍ମଶ୍ରୀ ସମ୍ମାନ । ରାଷ୍ଟ୍ରପତି ଭବନରେ ୨୦୨୧ ପଦ୍ମ ସମ୍ମାନର ଆୟୋଜନ କରାଯାଇଥିଲା । ରାଷ୍ଟ୍ରପତି ରାମନାଥ କୋବିନ୍ଦ ମଞ୍ଜାମାଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ କରିଛନ୍ତି । ANI  ପୋଷ୍ଟ କରିଥିବା ମଞ୍ଜାମାଙ୍କ ପଦ୍ମ ସମ୍ମାନର ଏକ ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହେବାରେ ଲାଗୁଛି । ମଞ୍ଜାମା ପଦ୍ମ ସମ୍ମାନ ନେବା ସମୟରେ ଏକ ଭିନ୍ନ ପଦ୍ଧତିରେ ସମ୍ମାନ ଗ୍ରହଣ କରିବା ଯୋଗୁଁ ଲୋକେ ଏହାକୁ ଅନେକ ପସନ୍ଦ କରୁଛନ୍ତି । ରାଷ୍ଟ୍ରପତିଙ୍କଠାରୁ ସମ୍ମାନ ନେବା ପୂର୍ବରୁ ସେ ପ୍ରଥମେ ନିଜ ଶୈଳୀରେ କୋବିନ୍ଦଙ୍କୁ ଶୁଭେଚ୍ଛା ଜଣାଇବା ସହ ଆଶୀର୍ବାଦ ଦେଇ ସହୃଦୟରେ ଏହି ସମ୍ମାନ ଗ୍ରହଣ କରିଥିଲେ ।

#WATCH | Transgender folk dancer of Jogamma heritage and the first transwoman President of Karnataka Janapada Academy, Matha B Manjamma Jogati receives the Padma Shri award from President Ram Nath Kovind. pic.twitter.com/SNzp9aFkre

— ANI (@ANI) November 9, 2021

ମଞ୍ଜାମା ଯୋଗତୀ ରାଜ୍ୟ ସରକାରଙ୍କ ପ୍ରସିଦ୍ଧ କର୍ଣ୍ଣାଟକ ଜନପଡ଼ା ଏକାଡେମୀର ପ୍ରଥମ ଟ୍ରାନ୍ସପ୍ରେସିଜେଣ୍ଟ । ବର୍ତ୍ତମାନ ସେ ୬୪ ବର୍ଷରେ ପାଦ ଦେଇଥିବା ବେଳେ ଏହି ପଦ୍ମ ସମ୍ମାନ ତାଙ୍କ ସାମାଜିକ ଓ ଆର୍ଥିକ ସଂଘର୍ଷର ଫଳାଫଳ ବୋଲି ସେ କହିଛନ୍ତି । ମଞ୍ଜାମାଙ୍କ ପ୍ରକୃତ ନାମ ମଞ୍ଜୁନାଥ ସେଟୀ । ସେ ଜଣେ କିନ୍ନର ବୋଲି ଜାଣିବା ପରେ ତାଙ୍କ ପରିବାର ହୁଲିଜେୟମା ନାମକ ମନ୍ଦିରରେ ‘ଜୋଗପ୍ପା’ କିନ୍ନର ସମ୍ପ୍ରଦାୟ ସହ ଯୋଗ ଦେବାକୁ ପରାମର୍ଶ ଦେଇଥିଲେ । ଏହି ସମ୍ପ୍ରଦାୟ ଦେବୀ ରେଣୁକା ୟେଲମ୍ମାଙ୍କୁ ପୂଜା କରୁଥିବା ବେଳେ ସମ୍ପ୍ରଦାୟର ସମସ୍ତ ସଦସ୍ୟ ମା’ଙ୍କୁ ହିଁ ବିବାହ କରିଥାନ୍ତି ।

ଦାରିଦ୍ର୍ୟତା, ସାମାଜିକ ଭିନ୍ନତା, ଦୁଷ୍କର୍ମ ଭଳି ସତ୍ୟତା ନିଜ ନୃତ୍ୟ ମାଧ୍ୟମରେ ପ୍ରଦର୍ଶନ କରିଥାନ୍ତି । ୨୦୦୬ରେ ସେ କର୍ଣ୍ଣାଟକ ଜନପୀଠ ଏକାଡେମୀ ସମ୍ମାନ ପାଇଥିବା ବେଳେ ଦୀର୍ଘ ୧୩ ବର୍ଷ ପରେ ୨୦୧୯ରେ ଏହି ଏକାଡେମୀର ପ୍ରେସିଡେଣ୍ଟ ଭାବେ ନିଯୁକ୍ତି ହୋଇଥିଲେ । ଏଥିସହ ୨୦୧୦ରେ କର୍ଣ୍ଣାଟକ ସରକାରଙ୍କ ଦ୍ୱାରା କର୍ଣ୍ଣାଟକ ରାଜ୍ୟୋତ୍ସବ ସମ୍ମାନ ପାଇଥିଲେ । ଚଳିତ ବର୍ଷ ରାଷ୍ଟ୍ରପତି ରାମନାଥ କୋବିନ୍ଦ ୭ଟି ପଦ୍ମବିଭୂଷଣ,୧୦ଟି ପଦ୍ମଭୂଷଣ ଏବଂ ୧୦୨ଟି ପଦ୍ମଶ୍ରୀ ସମ୍ମାନ ପ୍ରଦାନ କରିଛନ୍ତି ।