ବଡ଼ ଦାଣ୍ଡରେ ଚାଲିଲେ, କଦଳୀ ପତ୍ରରେ ମହାପ୍ରସାଦ ଖାଇଲେ

ପୁରୀ: ଭୁଲି ନାହାନ୍ତି ନିଜ ପରମ୍ପରାକୁ , ଭୁଲି ନାହାଁନ୍ତି ନିଜ ସଂସ୍କୃତିକୁ । ମହାପ୍ରଭୁଙ୍କ ମାଟିର ଝିଅ, ମହାପ୍ରଭୁଙ୍କ ପାଖକୁ ଆସିଛନ୍ତି  ।  ମହାମହିମ ହୋଇଛନ୍ତି କିନ୍ତୁ ନିଜ ମହାପ୍ରଭୁଙ୍କୁ ଜାବୁଡ଼ି ଧରିଛନ୍ତି । ପୁରୀ ଗସ୍ତରେ ଥିବା ରାଷ୍ଟ୍ରପତି ଦ୍ରୌପଦୀ ମୁର୍ମୁ ତଳେ ବସି କଦଳୀ ପତ୍ରରେ ମହାପ୍ରଭୁଙ୍କ ମହାପ୍ରସାଦ ସେବନ କରିଛନ୍ତି  ।

ଗଜଡପତି ମହାରଜ ଦିବ୍ୟସିଂହ ଦେବଙ୍କ ରାଜ ଭବନରେ ଗଜପତିଙ୍କ ପରିବାର ସହ ମହାପ୍ରସାଦ ସେବନ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ  । ଖାଣ୍ଟି ଓଡ଼ିଆଙ୍କ ନିଦର୍ଶନ ଦେଇଛନ୍ତି ମହାମହିମ  । ମହାପ୍ରଭୁଙ୍କ ବଡ଼ ଦାଣ୍ଡରେ ଚାଲିବା ସହ, ଅସଂଖ୍ୟ ଭକ୍ତଙ୍କ ମେଳରେ ଜୟ ଜଗନ୍ନାଥ ଧ୍ୱନୀରେ ପ୍ରକମ୍ପିତ ହେଉଥିଲା ବଡ଼ ଦାଣ୍ଡ  । କାଳିଆର ସେଇ ବଡ଼ ଦାଣ୍ଡରେ ପାଦରେ ଚାଲି ଚାଲି ଯାଇଥିଲେ ମହାମହିମ  ।