ଭୁବନେଶ୍ବରରେ ପହଞ୍ଚିଲେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ବିଧାନସଭାକୁ କରିବେ ସମ୍ବୋଧନ
ନନ୍ଦିଘୋଷ ବ୍ୟୁରୋ: ଦୁଇଦିନିଆ ଓଡ଼ିଶା ଗସ୍ତାରେ ଆଓି ରାଜଧାନୀ ଭୁବନେଶ୍ବରରେ ପହଞ୍ଚିଛନ୍ତି ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଭୁବନେଶ୍ବର ଇଣ୍ଟରନ୍ୟାସନାଲ ଏୟାରପୋର୍ଟରେ ସ୍ବତନ୍ତ୍ର ବିମାନରେ ଆସି ପହଞ୍ଚିବା ପରେ ରାଜ୍ୟପାଳ ଏବଂ ମୁଖ୍ୟମନ୍ତ୍ରୀ ଉପସ୍ଥିତ ରହି ସ୍ବାଗତ କରିଥିଲେ ।
ବିମାନବନ୍ଦରରୁ ମହାମହିମ ସିଧା ରାଜଭବନ ଯାଇଛନ୍ତି । ସେଠାରେ ସେ କଳିଙ୍ଗ ଅତିଥି ନିବାସ ଉଦଘାଟନ କରିବେ । ଏହାପରେ କିଛି ସମୟ ରାଜଭବନରେ ବିଶ୍ରାମ ନେବେ । ଅପରାହ୍ନ ୪ଟା ୨୦ରେ ବିଧାନସଭା ଆସିବେ ରାଷ୍ଟ୍ରପତି । ସାଢ଼େ ୪ଟାରେ ମହାମହିମ ଓଡ଼ିଶା ବିଧାନସଭାକୁ ସମ୍ବୋଧନ କରିବେ । ଏହି କାର୍ଯ୍ୟକ୍ରମ ପ୍ରାୟ ଏକ ଘଣ୍ଟ ଚାଲିବ । ଅପରାହ୍ନ ସାଢ଼େ ୫ଟାରେ ମହାମହିମ ତାଙ୍କ ପୂର୍ବ ଚାମ୍ବର ପରିଦର୍ଶନ କରିବେ । ଓଡ଼ିଶା ବିଧାନସଭାରେ ମନ୍ତ୍ରୀ ଥିବା ବେଳେ ଏହି ୧୧ ନମ୍ବର ଚାମ୍ବରରେ ମହାମହିମ ନିଜ ବିଭାଗୀୟ କାର୍ଯ୍ୟ କରୁଥିଲେ । ଏହାପରେ ରାଜଭବନ ଯାଇ ସେଠାରେ ରାତ୍ରୀଯାପନ କରିବେ । ଆସନ୍ତାକାଲି ଅର୍ଥାତ ୨୮ ନଭେମ୍ବରରେ ଭୁବନେଶ୍ବରରୁ ଲକ୍ଷ୍ନୌ ଗସ୍ତ କରିବାର କାର୍ଯ୍ୟକ୍ରମ ରହିଛି ।
