ରାକ୍ଷୀରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

କଟକ: ରକ୍ଷା ବନ୍ଧନ । ଭାଇ-ଭଉଣୀଙ୍କ ପବିତ୍ର ସମ୍ପର୍କର ଡୋରୀ । ସ୍ନେହ ଓ ଭଲ ପାଇବାର ଉଦାହରଣ । ରକ୍ଷାର ପ୍ରତିଶ୍ରୁତି ନେଇ ଭାଇ ହାତରେ ବାନ୍ଧେ ଭଉଣୀ । ଏହି ଉତ୍ସବ ଆଉ ଦିନ କେଇଟା ଥିବାବେଳେ ବଜାରରେ ଏବେ ଭଳିକି ଭଳି ରାକ୍ଷୀର ପସରା ଦେଖିବାକୁ ମିଳିଲାଣି । ଏସବୁ ଭିତରେ ମୁଖ୍ୟ ଆକର୍ଷଣ ସାଜିଛି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ନେଇ ତିଆରି ରାକ୍ଷୀ । କଟକ ଗଙ୍ଗା ମନ୍ଦିର ନିକଟରେ ଥିବା କାରିଗର ଭୀମସେନ ସାହୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଓ ମୁଖ୍ୟମନ୍ତ୍ରୀଙ୍କ ସମ୍ପର୍କକୁ ରାକ୍ଷୀରେ ପ୍ରଦର୍ଶନ କରିଛନ୍ତି ।

ମୁଖ୍ୟମନ୍ତ୍ରୀ, ରାଷ୍ଟ୍ରପତିଙ୍କୁ ପ୍ରିୟ ଭଉଣୀ ବୋଲି ସମ୍ବୋଧନ କରିଛନ୍ତି ଓ ଦୌପଦୀ ମୁର୍ମୁ ମଧ୍ୟ ନବୀନଙ୍କୁ ଭାଇ କହି ସମ୍ପର୍କ ଯୋଡିଛନ୍ତି । ତେଣୁ ଦୁହିଙ୍କର ଫଟୋକୁ ରାକ୍ଷୀରେ ସ୍ଥାନ ଦେଇଛନ୍ତି କାରିଗର । ତାରକଶି ଭଳି ତାର ଓ ଚୁମୁକି କାମରେ ତିଆରି କରିଛନ୍ତି ସୁନ୍ଦର ସୁନ୍ଦର ରାକ୍ଷୀ । ବଜାରରେ ଏହାର ଅଧିକ ଚାହିଦା ଥିବା କହିଛନ୍ତି କାରିଗର ।

ରକ୍ଷୀ ପୂର୍ଣ୍ଣିମାକୁ ମଝିରେ ଗୋଟିଏ ସପ୍ତାହ ଥିବାରୁ ଏହି ରାକ୍ଷୀ ଦିନେ ଦୁଇ ଦିନ ମଧ୍ୟରେ ବଜାରରେ ଉପଲବ୍ଧ ହେବ ।