ସାପ୍ତାହିକ ସଟ୍ଡାଉନ୍ ପୂର୍ବ ପ୍ରସ୍ତୁତି: ୨ ଦିନ ପାଇଁ ଆମିଷ କିଣିଲେ ଲୋକେ, ଭୁଲିଗଲେ ସାମାଜିକ ଦୂରତା
ଭୁବନେଶ୍ୱର: ଆସନ୍ତାକାଲିଠୁ ଦୁଇ ଦିନିଆ ସଟଡାଉନ୍ । ଏଥିପାଇଁ ଆମିଷ ବଜାରରେ ପ୍ରବଳ ଭିଡ଼ । ସାମାଜିକ ଦୁରତା ଭୁଲି ଲୋକେ ଆସନ୍ତା ଦୁଇ ଦିନ ପାଇଁ ମାଛ ମାଂସ କିଣୁଛନ୍ତି । ରାଜଧାନୀ ଭୁବନେଶ୍ୱର ସହ ବାଲେଶ୍ୱରରେ ମଧ୍ୟ ସମାନ ସ୍ଥିତି ଦେଖିବାକୁ ମିଳିଛି । ଆଜି ଏଭଳି କିଛି ଦୃଶ୍ୟ ରାଜଧାନୀର ମାଛ ବଜାରେ ଦେଖିବାକୁ ମିଳିଛି । ପ୍ରବଳ ଭିଡ ସହ କରୋନା କଟକଣାକୁ ବେଖାତିର କରିଦେଇଛନ୍ତି ।
ଲୋକେ ଯେମିତି କରୋନାକୁ ଭୁଲି ଯାଇଯାଇଛନ୍ତି । ସଟଡାଉନ ପୂର୍ବରୁ ଲୋକେ କେମିତି ଦୁଇ ଦିନ ପାଇଁ ମାଛ, ମାଂସ କିଣି ଘରକୁ ନେଉଛନ୍ତି । ଶନିବାର ଓ ରବିବାର ସଟଡାଉନ ହେବା ପୂର୍ବରୁ ସ୍ମାର୍ଟ ସିଟିରେ ଜନତା ସାମାଜିକ ଦୂରତାକୁ ଫୁ କରିଦେଇଛନ୍ତି ।
ବାଲେଶ୍ବର ଜିଲ୍ଲାରେ ବି ସମାନ ଆବସ୍ଥା । ଜିଲ୍ଲାରେ ଧୀରେ ଧୀରେ କରୋନା ରେଗୀଙ୍କ ସଂଖ୍ୟା ବଢିବାରେ ଲାଗିଥିବା ବେଳେ ଲୋକେ ସବୁକଟକଣା କୁ ଭୁଲିଯାଇଛନ୍ତି । ସକାଳ ଆରମ୍ଭରୁ ଦିନ ସାରା ମାର୍କେଟରେ ପ୍ରବଳ ଗହଳି ଦେଖିବା କୁ ମିଳିଛି । ଯାହାକୁ ଆଖି ଆଗରେ ରଖି ବାଲେଶ୍ବର ପୋଲିସ ପ୍ରଶାସନ ସହରର ସବୁ ଛୋଟ ବଡ ବଜାରରେ ଚଢାଉ କରି ଫାଇନ ଆଦାୟ କରିଛି ।
