ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ସ୍ବାସ୍ଥ୍ୟକୁ ନେଇ ଆଲୋଚନା କରିଛନ୍ତି ବଡ ଭାଇ ପ୍ରେମ ପଟ୍ଟନାୟକ। ସମ ଅଲଟିମେଟରେ ନବୀନଙ୍କ ଚିକିତ୍ସା କରିଥିବା ଡାକ୍ତରଙ୍କ ସହ ଆଲୋଚନା କରିଛନ୍ତି ପ୍ରେମ ପଟ୍ଟନାୟକ। ଏଥିସହିତ ସେ ଭି.କେ. ପାଣ୍ଡିଆନଙ୍କ ସହ ମଧ୍ୟ ନବୀନ ପଟ୍ଟନାୟକଙ୍କ ସ୍ବାସ୍ଥ୍ୟାବସ୍ଥା ନେଇ ଆଲୋଚନା କରିଛନ୍ତି। ଡିହାଇଡ୍ରେସନ ଯୋଗୁଁ ନବୀନ ଚାରି ଦିନ ଧରି ହସ୍ପିଟାଲରେ ଭର୍ତ୍ତି ହୋଇଥିଲେ। ପ୍ରଥମେ ଅବରଭେସନ ରୁମରେ ରହିଥିଲେ। ଦିନକ ପରେ ତାଙ୍କୁ କ୍ୟାବିନକୁ ସ୍ଥାନାନ୍ତର କରାଯାଇଥିଲା। ସୁସ୍ଥ ହେବା ପରେ ଗତ ବୁଧବାର ରାତିରେ ସେ ନବୀନ ନିବାସ ଫେରିଛନ୍ତି। ନବୀନ ନିବାସ ଫେରିବା ପରେ ତାଙ୍କୁ ଦଳୀୟ ନେତାମାନେ ଭେଟିବା ସହ ବଡ ଭାଇ ମଧ୍ୟ ଭୁବନେଶ୍ବର ଆସିଛନ୍ତି ତାଙ୍କ ସ୍ବାସ୍ଥ୍ୟ କଥା ବୁଝିବାକୁ।
