ଲାଉଡ ମ୍ୟୁଜିକ ବନ୍ଦ ପାଇଁ କହିବାରୁ ଗର୍ଭବତୀଙ୍କୁ ଗୁଳି ଅଭିଯୋଗ

ନୂଆଦିଲ୍ଲୀ: ଲାଉଡ ମ୍ୟୁଜିକ ପାଇଁ ଗର୍ଭବତୀଙ୍କୁ ଗୁଳି କରାଯାଇଥିବା ଅଭିଯୋଗ। ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଗର୍ଭସ୍ଥ ଶିଶୁକୁ ହରାଇଲେ ମହିଳା। ଦିଲ୍ଲୀ ସମୟପୁର ବଦଲିରେ ଅଭାବନୀୟ ଘଟଣା। ଘଟଣାରେ ପୋଲିସ ଦୁଇ ଅଭିଯୁକ୍ତଙ୍କୁ ଗିରଫ କରିଛି।

ଲାଉଡ ମ୍ୟୁଜିକ ବନ୍ଦ କରିବାକୁ ଗର୍ଭବତୀ ଜଣଙ୍କ ତାଙ୍କ ପଡୋଶୀଙ୍କୁ କହିଥିଲେ। ଏ ନେଇ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଉତ୍ତ୍ୟକ୍ତ ହୋଇ ପଡୋଶୀ ହରିଶ କୁମାର ମହିଳାଙ୍କ ଉପରକୁ ଗୁଳି ଚଳାଇଥିଲେ। ଲାଇସେନ୍ସ ବିହିନ ଏକ ଦେଶୀ ବନ୍ଧୁକରୁ ହରିଶ ଗୁଳି ଚଳାଇଥିବା ପୋଲିସ କହିଛି । ମହିଳାଙ୍କ ବେକରେ ଗୁଳି ବାଜିଥିବା ବେଳେ ଗର୍ଭସ୍ଥ ଶିଶୁ ନଷ୍ଟ ହୋଇଯାଇଥିବା ଜଣାପଡ଼ିଛି । ଏବେ ମହିଳାଙ୍କ ସ୍ବାସ୍ଥ୍ୟବସ୍ଥା ସଙ୍କଟାପନ୍ନ ରହିଛି ।