ପୁରୀ: ପୁରୀ ଜିଲ୍ଲା ନିମାପଡ଼ାରେ ବଢ଼ି ଚାଲିଛି ସାଇବର ଠକଙ୍କ ପାଦ୍ରୁର୍ଭାବ। କିଛିଦିନ ତଳେ ସୁଭଦ୍ରା ଯୋଜନା ନାଁରେ ଜଣେ ମହିଳା ସାଇବର ଠକେଇର ଶିକାର ହୋଇଥିଲେ।ପୁଣି ଏବେ ଡେଣୁଅଁ ପଞ୍ଚାୟତ ଛେନୁଅ ଗ୍ରାମର ଦୁଇ ଜଣ ମହିଳାଙ୍କୁ ସ୍ବାସ୍ଥ୍ୟ ବିଭାଗ ନାଁ କହି ଚୂନ ଲଗାଇଛନ୍ତି ସାଇବର ଠକ। ଜଣେ ପ୍ରସୂତି ମହିଳାଙ୍କ ସ୍ବାମୀଙ୍କୁ କେହି ଜଣେ ଦୃର୍ବୁତ୍ତ ସ୍ବାସ୍ଥ୍ୟ ବିଭାଗ ନାଁ ରେ ଫୋନ କରି ତାଙ୍କର ଫୋନ ପେ ଅଛି କି ନାହିଁ ପଚାରୁଛି। ପୁଣି ବ୍ୟାଙ୍କ ଖାତାରେ କେତେ ଟଙ୍କା ଥିବା କଥା ମଧ୍ୟ ପଚାରୁଛି। ଏହି ଗ୍ରାମର ୪ରୁ ୫ଜଣ ପ୍ରସୂତି ମହିଳାଙ୍କୁ ସ୍ବାସ୍ଥ୍ୟ ବିଭାଗ ନାମରେ କେହିଜଣେ ଦୃର୍ବୁତ୍ତ ଫୋନ କରିବା ସହିତ ଗ୍ରାମର ଆଶା ଦିଦୀଙ୍କୁ ଫୋନ୍ ମାଧ୍ୟମରେ ଲାଇନରେ ରଖି ତାଙ୍କୁ ଅଣ୍ଡା,ଛତୁଆ ଏବଂ ମେଡିସିନ ଠିକ୍ ଟାଇମ୍ ରେ ମିଳୁଛି କି ନାହିଁ ପଚାରିଥିଲେ।
ପରେ ତାଙ୍କୁ ପ୍ରସୂତି ସରକାରୀ ପ୍ରୋତ୍ସାହନ ରାଶି ଯୋଗାଇଦେବା କଥା କହି ଲିଙ୍କ ପଠାଇ ଫୋନ୍ ପେ ମାଧ୍ୟମରେ ୧୯ହଜାର ୭ସହ ୩୦ଟଙ୍କା ଠକି ନେଇଥିଲେ।ଏଭଳି ଠକେଇର ଶିକାର ହୋଇଛନ୍ତି ଛେନୁଅ ବାସିନ୍ଦା ମନମୋହନ ସେଠୀଙ୍କ ବୋହୂ ଲିପାରାଣୀ ସେଠୀ।ସେହିପରି ଆଉ ଜଣେ ମହିଳା ଲକ୍ଷ୍ମୀପ୍ରିୟା ବହାଲ୍ୟା ମଧ୍ୟ ୩ହଜାର ୫ସହ ୯୭ଟଙ୍କା ସାଇବର ଠକେଇର ଶିକାର ହେଉଛନ୍ତି।ଗ୍ରାମର ୪ରୁ ୫ଜଣ ପ୍ରସୂତି ମହିଳାଙ୍କୁ ଫୋନ କଲ୍ ଆସିଥିବା ବେଳେ ବାକି ମହିଳାଙ୍କ ବ୍ୟାଙ୍କ ଖାତାରେ ପର୍ଯ୍ୟାପ୍ତ ପରିମାଣର ଜମା ରାଶି ନଥିବାରୁ ସେମାନେ ଏହିଭଳି ଠକେଇରୁ ଅଳ୍ପକେ ବର୍ତ୍ତି ଯାଇଥିବା ବେଳେ ଦୁଇଜଣ ମହିଳା ଏହାର ଶିକାର ହୋଇଛନ୍ତି।ତେବେ ଏନେଇ ମହିଳାଙ୍କ ଶଶୁର ମନମୋହନ ସେଠି ସାଇବର ଥାନାରେ ଅଭିଯୋଗ କରିବା ସହିତ ନିମାପଡ଼ା ଥାନାର ଦ୍ୱାରସ୍ଥ ହୋଇଛନ୍ତି।
