ଆନ୍ତର୍ଜାତୀୟ ମହିଳା ଦିବସ ପୂର୍ବରୁ ରାଜଧାନୀରେ ପ୍ରି-ଓମେନ୍ସ ଡେ’ ସେଲିବ୍ରେସନ୍
1 min read
ଭୁବନେଶ୍ୱର: ମହିଳାମାନେ ସଶକ୍ତ ହେଲେ ଦେଶ ଓ ରାଜ୍ୟ ଆଗେଇବ । ଏହି ବାର୍ତ୍ତା ନେଇ ଭୁବନେଶ୍ୱରରେ ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ଜୟ ଓଡ଼ିଶା ଓ ଶକ୍ତି ଅନୁଷ୍ଠାନ ପକ୍ଷରୁ ଆୟୋଜିତ ହୋଇଛି ପ୍ରି-ଓମେନ୍ସ ଡ଼େ ସେଲିବ୍ରେସନ । ଶନିବାର ନାରୀଙ୍କୁ ଆତ୍ମନିର୍ଭରଶୀଳ କୌଶଳ ଶିକ୍ଷା ଦିଆଯିବା ପରେ ରବିବାର ମହିଳା କରିଛନ୍ତି ରକ୍ତଦାନ । ସେପଟେ ସହିଦ ସ୍ପୋର୍ଟିଂ ପଡ଼ିଆରେ ଖେଳକୁଦରେ ସହ ପ୍ରି-ଓମେନ୍ସ ଡ଼େ ପାଳିଛନ୍ତି ।
ଅନ୍ତର୍ଜାତୀୟ ମହିଳା ଦିବସ ପାଇଁ ବିଭିନ୍ନ କାର୍ଯ୍ୟକ୍ରମ ହାତକୁ ନେଇଛି ସଂଗଠନ । ଶନିବାର କମଳା ନେହରୁ ମହିଳା ମହାବିଦ୍ୟାଳୟରେ ଦୁଇ ଶହରୁ ଉର୍ଦ୍ଧ୍ୱ ଛାତ୍ରୀଙ୍କୁ ଆତ୍ମନିର୍ଭର କୌଶଳ ଶିକ୍ଷା ଦିଆଯାଥିବା ବେଳେ ରବିବାର ଶହିଦନଗର ଦୁର୍ଗାପୂଜା ମଣ୍ଡପରେ ଆୟୋଜିତ ହୋଇଥିଲା ରକ୍ତଦାନ ଶିବିର । ଏଥିରେ ଶତାଧିକ ମହିଳା ସ୍ୱେଚ୍ଛେକୃତ ଭାବେ ରକ୍ତଦାନ କରିଥିଲେ ।
ସେପଟେ ଭୁବନେଶ୍ୱର ଶହିଦନଗର ସ୍ପୋଟିଂ କ୍ଲବରେ ମହିଳାମାନେ ପ୍ରି ଓମେନ୍ସ ଡ଼େ ସେଲିବ୍ରେସନ କରିଥିବା ବେଳେ ଖେଳ କୁଦ ସାଙ୍ଗକୁ ବିଭିନ୍ନ କ୍ଷେତ୍ରରେ ପାରଦର୍ଶିତା ଦେଖାଇଥିବା ମହିଳାଙ୍କୁ ସମ୍ବର୍ଦ୍ଧିତ କରାଯାଇଛି । ଜୟ ଓଡ଼ିଶା ଓ ଶକ୍ତିର ମିଳିତ ଉଦ୍ୟମରେ ଜାରି ରହିଥିବା କାର୍ଯ୍ୟକ୍ରମକୁ ସ୍ୱାଗତ କରଛନ୍ତି ମହିଳା ଓ ସ୍ୱେଚ୍ଛାସେବୀ ।
