ଏହି ଦେଶରେ ଆରମ୍ଭ ହେବ ପ୍ରି-ୱେଡିଂ କୋର୍ସ: ଫେଲ ହେଲେ ସରକାର ଛଡ଼ାଇ ନେବେ ବାହା ହେବାର ଅଧିକାର

ଇଣ୍ଡୋନେସିଆ: ବାହାଘର ନାଁ ଶୁଣିଲେ ଅନେକଙ୍କ ହୋସ ଉଡ଼ିଯାଏ । କେହି ବାହଘରରୁ ପିଛା ଛୁଡ଼ାନ୍ତି ତ ଆଉ କିଏ କିଏ ବାହାଘର ନାଆରୁ ହିଁ ଦୂରେଇ ରୁହନ୍ତି । ତେବେ କୁହାଯାଏ କି  ‘ଶାଦି କା ଲଡ୍ଡୁ ଯୋ ଖାଏ ପଛତାଏ, ଯୋ ନା ଖାଏ ୟୋ ଭି ପଛତାଏ’  । ଏହି ଋଢ଼ିଟି ଆଜି ବି ଖୁବ ପ୍ରଚଳିତ । କିନ୍ତୁ କଣ ହେବ ଯେତେବେଳେ ବାହଘର ପାଇଁ ସ୍ପେଶାଲ କୋର୍ସ ଦିଆ ହେବ । ଏହି କୋର୍ସରେ ଏକ ସଫଳ ବାହାଘରର ସିକ୍ରେଟ କୁହାଯିବ । ଆଜ୍ଞା ହଁ ! ଏସିଆର ଏକ ଦେଶ ପ୍ରି-ୱେଡ଼ିଂ କୋର୍ସ ( Pre-Wedding Course) ଆରମ୍ଭ କରିବା ପାଇଁ ଯୋଜନା କରୁଛି । ଯେଉଁଥିରେ କପଲ୍ସ ମାନଙ୍କୁ ବାହାଘର ପରେ ହେବାକୁ ଥିବା ପରିବର୍ତ୍ତନ ବିଷୟରେ ଶିକ୍ଷା ଦିଆଯିବ ।

ଏହି କୋର୍ସ ସାଉଥ-ୱେଷ୍ଟ ଏସିଆର ଇଣ୍ଡୋନେସିଆ ଦେଶରେ ଆରମ୍ଭ ହେବାକୁ ଯାଉଛି । ଏହି ପ୍ରି-ୱେଡିଂ କୋର୍ସ କରିବାକୁ ଯାଉଥିବା କପଲ୍ସଙ୍କୁ ସ୍ୱାସ୍ଥ୍ୟର କିପରି ଧ୍ୟାନ ରଖିବେ, ରୋଗ ବୈରାଗ୍ୟରୁ କେମିତି ବଞ୍ଚିବେ, ଶିଶୁ ମାନଙ୍କର ଯତ୍ନ କିପରି ନେବେ ଇତ୍ୟାଦିର ଟ୍ରେନିଂ ଦିଆଯିବ, ଯାହା ସାହାଯ୍ୟରେ ଦମ୍ପତି ନିଜର ଏକ ସଫଳ ଦାମ୍ପତ୍ୟ ଜୀବନ ଆରମ୍ଭ କରିପାରିବେ ।

ଜାକର୍ତ୍ତା ପୋଷ୍ଟ ମୁତାବକ, ଏହି କୋର୍ସ ୨୦୨୦ ମସିହାରେ ଆରମ୍ଭ ହେବାକୁ ଯାଉଛି ଏବଂ ଏହି କୋର୍ସ ମାଗଣାରେ ଦିଆଯିବ । ଏହି କୋର୍ସରୁ ଇଣ୍ଡୋନେସିଆର Human Development And Culture Affaire ଏବଂ Ministry Of Religion And Health ମିଳିତ ଭାବେ ଆରମ୍ଭ କରିବାକୁ ଯାଉଛନ୍ତି । Religion Affaires ର ଜଣେ ଅଫିସର କହିଛନ୍ତି ଯେ, ସମସ୍ତଙ୍କ ମନରେ ପ୍ରଶ୍ନ ଉଠୁଥିବା ଯେ ଯଦି କପଲ୍ସ ଏହି କୋର୍ସରେ ପାସ ନକରିପାରିଲେ ତେବେ କଣ ହେବ ? ତେବେ ଏହାର ଉତ୍ତରରେ ଅଫିସର ଜଣଙ୍କ କହିଛନ୍ତି ଯେ ଯେଉଁ କପଲ୍ସ ଏହି କୋର୍ସରେ ଫେଲ୍ ହେବେ ସେମାନେ ପରସ୍ପରକୁ ବାହା ହୋଇପାରିବେ ନାହିଁ ।

ଏହି କୋର୍ସ ୩ମାସ ପାଇଁ  ଏବଂ ଯେଉଁ କପଲ୍ସ ଏହି କୋର୍ସରେ ଫେଲ ହେବେ ସେମାନଙ୍କୁ ବାହା ହେବା ପାଇଁ ଇଣ୍ଡୋନେସିଆ ସରକାର ଅନୁମତି ଦେବେ ନାହିଁ ।