ପ୍ରି-ଆକ୍ଟିଭେଟ ସିମରେ ଠକେଇ ଘଟଣାରେ ତନାଘନା, ଢ଼େଙ୍କାନାଳରୁ ୩ ଜଣଙ୍କୁ ବାନ୍ଧିଲା କ୍ରାଇମବ୍ରାଞ୍ଚ
1 min read
କଟକ: ପ୍ରି-ଆକ୍ଟିଭେଟ ସିମ୍ ଜରିଆରେ ଠକେଇ ଘଟଣାରେ ତନାଘନା । ୩ ଜଣଙ୍କୁ ଗିରଫ କରିଛି କ୍ରାଇମବ୍ରାଞ୍ଚ । ଢ଼େଙ୍କାନାଳରୁ ୩ ଅଭିଯୁକ୍ତଙ୍କୁ ଗିରଫ କରିଛି କ୍ରାଇମବ୍ରାଞ୍ଚ । ଗିରଫ ଅଭିଯୁକ୍ତ ହେଲେ ସାଇ ପ୍ରକାଶ ଦାସ, ଅବିନାଶ ନାୟକ, ଦୁଷ୍ମନ୍ତ କୁମାର । ଏହା ସହ ସେମାନଙ୍କଠାରୁ ୧୯ ହଜାର ୬୪୧ ସିମ୍ କାର୍ଡ ସହ ୧୪ ଲକ୍ଷ ୩୨ ହଜାର ଟଙ୍କା ଜବତ ହୋଇଛି । ବିଭିନ୍ନ କମ୍ପାନୀର ପ୍ରି-ଆକ୍ଟିଭେଟ୍ ସିମ୍ ସହ ୪୮ଟି ମୋବାଇଲ ଜବତ କରିଛି କ୍ରାଇମବ୍ରାଞ୍ଚ ।
ସୋସିଆଲ ମିଡିଆରେ ବାୟର ସେଲର ଗ୍ରୁପରେ ସିମ୍ ବିକୁଥିଲେ ଏହି ଅଭିଯୁକ୍ତ । ତେବେ ଗିରଫ ହୋଇଥିବା ଅଭିଯୁକ୍ତଙ୍କୁ ରିମାଣ୍ଡରେ ଆଣି ଅଧିକ ପଚରାଉଚରା କରିବ କ୍ରାଇମବ୍ରାଞ୍ଚ । ଏନେଇ ପ୍ରେସମିଟରେ ସୂଚନା ଦେଇଛନ୍ତି କ୍ରାଇମବ୍ରାଞ୍ଚ ଏଡିଜି ସଂଜୀବ ପଣ୍ଡା ।
