ଆଜି ପ୍ରଥମାଷ୍ଟମୀ, ପୋଢୁଆଁ ହେବେ ତିନି ଠାକୁର
1 min read
ଭୁବନେଶ୍ବର: ଆଜି ପ୍ରଥମାଷ୍ଟମୀ । ପୋଢୁଆଁ ହେବେ ବଡ଼ ଠାକୁର ପ୍ରଭୁ ଶ୍ରୀ ବଳଭଦ୍ର । ତାଙ୍କ ସହିତ ସାନ ଭାଇ ମହାପ୍ରଭୁ ଜଗନ୍ନାଥ, ମାଆ ସୁଭଦ୍ରା ଓ ପ୍ରଭୁ ସୁଦର୍ଶନ ମଧ୍ୟ ପୋଢୁଆଁ ହେବେ । ଏନେଇ ମହାପ୍ରଭୁଙ୍କ ମାମୁଘର ନିଆଳି ମାଧବାନନ୍ଦଙ୍କ ମନ୍ଦିରରୁ ଆସିଛି ପୋଢୁଆଁ ଭାର l ପାଟ ମଠା ସାଙ୍ଗକୁ ବିଭିନ୍ନ ସାମଗ୍ରୀ ନେଇ ଏକ ପଟୁଆରରେ ଶ୍ରୀକ୍ଷେତ୍ରରେ ଗତକାଲି ପହଞ୍ଚିଥିଲେ ସେବାୟତ ଓ ସ୍ଥାନୀୟ ଲୋକେ ।
ଗୁଣ୍ତିଚା ମନ୍ଦିରରେ ପହଞ୍ଚିବା ପରେ ଏକ ବିରାଟ ଶୋଭାଯାତ୍ରାରେ ପତାକା, ପାରମ୍ପରିକ ବାଦ୍ୟ, ନୃତ୍ୟରେ ପାଇକ ଆଖଡା, ରାମତାଳି, ଲଉଡି, ଘୋଡ଼ା ନାଚ ସାଙ୍ଗକୁ ସଂକୀର୍ତ୍ତନ ମଣ୍ଡଳୀଙ୍କ ସଂକୀର୍ତ୍ତନରେ ଆସିଥିଲେ । ଏହି ପୋଢୁଆଁ ଭାର ଶ୍ରୀମନ୍ଦିର କାର୍ଯ୍ୟାଳୟରେ ଦିଆଯାଇଥିଲା । ଗତକାଲି ଶ୍ରୀଜିଉ ପୋଢୁଆଁ ହେବେ ।.
