ନନ୍ଦିଘୋଷ ବ୍ୟୁରୋ: ମୁଖ୍ଯମନ୍ତ୍ରୀଙ୍କ ହୃଦୟରେ ରହିଛି ସମ୍ବଲପୁର। ମା ସମଲେଇ ପୀଠର ଉନ୍ନତିକରଣ ଐତିହାସିକ। ଏହି ପ୍ରକଳ୍ପକୁ ବନ୍ଦ କରିବା ଲାଗି କରାଯାଇଥିଲା ଷଡ଼ଯନ୍ତ୍ର। ଏହି ପ୍ରକଳ୍ପକୁ ବିରୋଧ କରିଥିବା ନେତାଙ୍କ ପ୍ରତି ସାବଧାନ ରହିବାକୁ ଆହ୍ବାନ ଦେଇଛନ୍ତି ବିଜେଡି ସମ୍ବଲପୁର ଲୋକସଭା ପ୍ରାର୍ଥୀ ପ୍ରଣବ ପ୍ରକାଶ ଦାସ। ସମ୍ବଲପୁର ଚେରୁଆ ପଡାରେ ଆୟୋଜିତ ସମାବେଶରେ ଯୋଗ ଦେଇ ସେ କହିଛନ୍ତି ସମ୍ବଲପୁର, ରେଙ୍ଗାଳି, ବୁର୍ଲା ଓ ହୀରାକୁଦକୁ ନେଇ ମୁଖ୍ଯମନ୍ତ୍ରୀଙ୍କ ବିରାଟ ଯୋଜନା ରହିଛି। ସ୍ଥାନୀୟ ଅଞ୍ଚଳର ସମସ୍ଯାକୁ ଦୂର କରାଯିବ। ଜୁଲାଇରୁ ବିଜୁଳି ବିଲ୍ ଆସିବନି। ଜଣେ ଏମସି ଓ ଜଣେ ବିଧାୟକଙ୍କୁ ଦାୟିତ୍ବ ଦେଇଥିଲେ। ହେଲେ ସେମାନେ ସେବା କରି ନଥିବାରୁ ଆପଣମାନେ ଜବାବ ଦେବେ। ମୁଖ୍ଯମନ୍ତ୍ରୀ ଯାହା କହନ୍ତି ତାହାକୁ କାର୍ଯ୍ୟରେ ଦେଖାନ୍ତି। ଗ୍ଯାସ ଦର କମିଲାନି। ପେଟ୍ରୋଲ ଦର କମିଲାନି। ୧୫ ଲକ୍ଷ ଟଙ୍କା ଆକାଉଣ୍ଟକୁ ଆସିଲାନି ବୋଲି ବିରୋଧୀଙ୍କୁ ଟାର୍ଗେଟ କରିଛନ୍ତି ପ୍ରଣବ।
