ଭୁବନେଶ୍ୱର: ଧର୍ମେନ୍ଦ୍ରଙ୍କୁ ଜବାବ ମାଗିଲେ ପ୍ରଣବ। ଜୟନାରାୟଣ ମିଶ୍ରଙ୍କ ଗୁଣ୍ଡାଗର୍ଦ୍ଦି ପ୍ରସଙ୍ଗରେ ପୁଣି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ସମ୍ବୋଧନ କରି ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ ଟ୍ବିଟ୍ କରିଛନ୍ତି। ମୁଖ୍ୟମନ୍ତ୍ରୀ ଜୟନାରାୟଣଙ୍କୁ ବିରୋଧୀ ଦଳ ନେତା କରିନାହାନ୍ତି ଏକଥା ସତ। ହେଲେ କର୍ତ୍ତବ୍ୟରତ ମହିଳା ଅଧିକାରୀ ଅନିତା ପ୍ରଧାନଙ୍କୁ କେବେ ନ୍ୟାୟ ମିଳିବ ବୋଲି ପ୍ରଣବ ପ୍ରଶ୍ନ କରିଛନ୍ତି।
ଅନିତା ପ୍ରଧାନଙ୍କୁ ଜୟନାରାୟଣ ଶାରୀରିକ ଆକ୍ରମଣ କରିଛନ୍ତି। ତାଙ୍କୁ ଧର୍ମେନ୍ଦ୍ରଙ୍କ ଦଳ କେବେ ନ୍ୟାୟ ଦେବ ସେକଥା ସାରା ଓଡ଼ିଶାବାସୀ ଜାଣିବାକୁ ଚାହୁଁଥିବା ପ୍ରଣବ ଟ୍ବିଟ୍ କରିଛନ୍ତି। ଜୟନାରାୟଣଙ୍କ ଆକ୍ରମଣକୁ ନେଇ ଧର୍ମେନ୍ଦ୍ର ଗୁରୁବାର ପ୍ରତିକ୍ରିୟା ରଖିଥିଲ । ଜୟନାରାୟଣଙ୍କୁ ମୁଖ୍ୟମନ୍ତ୍ରୀ ଦୟାରେ ବିରୋଧି ଦଳ ନେତା କରିନଥିବା କହିଥିଲେ ଧର୍ମେନ୍ଦ୍ର ।
