ନବୀନଙ୍କ ନବବର୍ଷ ବାର୍ତ୍ତା ନେଇ ମୟୂରଭଞ୍ଜରେ ପ୍ରଣବ
ବାରିପଦା: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୂତନ ବର୍ଷର ବାର୍ତ୍ତା ନେଇ ମୟୂରଭଞ୍ଜ ଜିଲ୍ଲାରେ ପହଞ୍ଚିଲେ ବିଜେଡି ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ । ସାଧାରଣ ଲୋକଙ୍କ ନିକଟରେ ପହଞ୍ଚି ସେବା ଯୋଗାଇବା ପାଇଁ ଦଳୀୟ କର୍ମୀଙ୍କୁ ଦେଲେ ପରାମର୍ଶ । ମାଆ କୀଚକେଶ୍ବରୀଙ୍କ ମାଟିରେ କର୍ମୀଙ୍କୁ ନୂଆ ଚିନ୍ତାଧାରାରେ ଲୋକଙ୍କ ନିକଟତର ହୋଇ ସେବା କରି ହୃଦୟ ଜିତିବାକୁ ଗୁରୁମନ୍ତ୍ର ଦେଇଛନ୍ତି ପ୍ରଣବ ।
ରାଜ୍ୟବାସୀଙ୍କ ସହ ମୟୂରଭଞ୍ଜ ଜିଲ୍ଲାର ଜନ ସାଧାରଣ, ବିଜେଡି ନେତୃବୃନ୍ଦ, ବରିଷ୍ଠ ନାଗରିକ, ଶିକ୍ଷକ ସମାଜ, ମହିଳା, ଯୁବ ଓ ଛାତ୍ର ନେତୃବୃନ୍ଦଙ୍କୁ ସେ ନୂତନ ବର୍ଷର ଶୁଭେଚ୍ଛା ଜଣାଇଛନ୍ତି । ପ୍ରଣବ ପ୍ରକାଶ ଦାସଙ୍କ ଗସ୍ତ ସମୟରେ ପୂର୍ବତନ ଉପବାଚସ୍ପତି ସାନନ୍ଦ ମାଣ୍ଡ୍ରି, ମୋରଡ଼ା ବିଧାୟକ ରାଜକିଶୋର ଦାଶ ପ୍ରମୁଖ ଉପସ୍ଥିତ ଥିଲେ ।
