ଧର୍ମେନ୍ଦ୍ରଙ୍କୁ ପ୍ରଣବଙ୍କ ପ୍ରଶ୍ନ: ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ନଦେଇ ଚୁପ କାହିଁକି ?
ଭୁବନେଶ୍ବର: ସ୍ଵାଧୀନତା ସଂଗ୍ରାମୀ ପବିତ୍ର ମୋହନ ପ୍ରଧାନଙ୍କ ନାମରେ ତାଳଚେରରେ ମେଡିକାଲ କଲେଜ ପ୍ରତିଷ୍ଠା ହେବ । ରାଜ୍ୟ ସରକାରଙ୍କ ଘୋଷଣା ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଟୁଇଟ କରି ପ୍ରଶ୍ନ କଲେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ।
ପ୍ରଣବ ପଚାରିଛନ୍ତି, ‘ମୁଁ ଆଶା କରିଥିଲି କି ଆପଣ ନିଶ୍ଚିତ ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏଥିପାଇଁ ଧନ୍ୟବାଦ ଦେବେ । ସ୍ଵର୍ଗତ ପବିତ୍ର ମୋହନ ପ୍ରଧାନଙ୍କୁ ଆପଣ ସବୁବେଳେ ମାଟିର ପୁଅ ବୋଲି କହି ତାଙ୍କର ଗୁଣଗାନ କରନ୍ତି । ତାଙ୍କୁ ନେଇ ଗର୍ବ ଅନୁଭବ କରନ୍ତି । ହେଲେ ରାଜ୍ୟ ସରକାର ତାଙ୍କ ସମ୍ମାନାର୍ଥେ ଏତେ ବଡ଼ ଘୋଷଣା କଲା ପରେ ବି ଆପଣ ଚୁପ୍ ରହିଲେ କେମିତି ? ଆପଣ କ’ଣ ମାଟିର ପୁଅକୁ ଭୁଲିଗଲେ ?
