ସମ୍ବଲପୁର : ସମ୍ବଲପୁରରେ ମାରାଥନ ପ୍ରଚାର କରିଛନ୍ତି ବିଜେଡି ସାଂସଦ ପ୍ରାର୍ଥୀ ପ୍ରଣବ ପ୍ରକାଶ ଦାସ। ସକାଳୁ ସକାଳୁ ପ୍ରଥମେ ଖ୍ରୀଷ୍ଟଧର୍ମାବଳମ୍ବୀ ମାନଙ୍କୁ ଭେଟି ଭୋଟ ଭିକ୍ଷା କରିବା ସହ ଆର୍ଶୀବାଦ କାମନା କରିଛନ୍ତି। ପରେ ସମଲେଇ ସେବାୟତ ମାନଙ୍କୁ ଭେଟିବା ସହ ଏସଏଜି ମହିଳା, ମୁସଲମାନ, ପଞ୍ଜାବୀ, ମାରଓ୍ବାଡି ସମ୍ପ୍ରଦାୟର ଲୋକମାନଙ୍କୁ ଭେଟି ଆଲୋଚନା କରିଛନ୍ତି। ବିଶେଷ କରି ରାଜ୍ୟରେ ସ୍ପିରିଚୁଆଲ ସରକାର ଚାଲିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସବୁ ଧର୍ମର ଲୋକମାନଙ୍କୁ ସମ୍ମାନ ଦିଅନ୍ତି ବୋଲି ପ୍ରଣବ କହିଛନ୍ତି। ମୁଖ୍ୟମନ୍ତ୍ରୀ କାମରେ ବିଶ୍ୱାସ କରନ୍ତି ଯାହା ଏବେ ଗାଁ ଗାଁରେ ପ୍ରତିଫଳିତ ହୋଇଛି। ଏହି ବିକାଶ କୁ ଆଗେଇ ନେବାପାଇଁ ଶଙ୍ଖଚିହ୍ନ ରେ ଭୋଟ ଦେବାକୁ ସେ ନିବେଦନ କରିଛନ୍ତି। ଧର୍ମେନ୍ଦ୍ର ୨୦୧୪ କେବ କଥା କହିଚଲିଛନ୍ତି କିନ୍ତୁ ମୁଖ୍ୟମନ୍ତ୍ରୀ କାମ କରିଚାଲିଛନ୍ତି ବୋଲି ପ୍ରଣବ କହିଛନ୍ତି। ସେପଟେ ପ୍ରଣବଙ୍କୁ ଜିତାଇବା ପାଇଁ ସମସ୍ତେ ସଂକଳ୍ପ ନେଇଛନ୍ତି।
