ରାଜନୀତିର ଅଜାତଶତ୍ରୁ, ସବୁ ଦଳରେ ଥିଲେ ପ୍ରଶଂସକ

ଭୁବନେଶ୍ୱର:  ସବୁବେଳେ ହସ । ନିଜ ଦଳ ହେଉ, କି ବିରୋଧୀ ସମସ୍ତଙ୍କ ସେ ଥିଲେ ଅତି ପ୍ରିୟ ।  କୋଲକାତାରୁ ସଂସଦ । ଆଉ ସଂସଦରୁ ରାଷ୍ଟ୍ରପତିର ରାଇସେନା ହିଲ, 50 ବର୍ଷର ରାଜନେତିକ ଜୀବନ ।  ଏଥିରୁ 40 ବର୍ଷର ସଂସଦୀୟ ଜୀବନ ।  କେନ୍ଦ୍ରରେ ପ୍ରତିରକ୍ଷା, ଅର୍ଥ ଭଳି ଗୁରୁ ଦାୟିତ୍ୱ ଆଉ ଦଳ ପାଇଁ ଅନେକ ସମୟରେ ସେ ସାଜିଛନ୍ତି ଶଙ୍କଟମୋଚକ ।  ଲମ୍ବା ରାଜନୀତିର ଜୀବନ ପୁଣି ଦେଶର ସର୍ବୋଚ୍ଚ ନାଗରିକ ପଦ । ସେ ହେଉଛନ୍ତି ପ୍ରଣବ ଦା । ଭାରତ ରାଜନୀତିର ଅଜାତ ଶତ୍ରୁ, ବିଚକ୍ଷଣ ବୁଦ୍ଧି, ରାଜନୈତିକ ରଣନୀତିକାର, ଆଇନକୁ ଅତି ନିକଟରୁ ବୁଝୁଥିବା ରାଜନେତା ପ୍ରଣବ ମୁଖାର୍ଜୀ । ଯେତେବେଳେ ଏତେ ସବୁ ପଦ ପଦବୀ କଥା ମନକୁ ଆସେ ସେତେବେଳେ ମନେ ପଡନ୍ତି ବିଚକ୍ଷଣ ରାଜନେତା ପ୍ରଣବ ମୁଖାର୍ଜୀ ।  ରାଜନୀତି ପରିବାରରେ ଜନ୍ମ ହୋଇଥିବାରୁ ରାଜନୀତିକୁ ପେସା କରି ନେଇଥିଲେ ପ୍ରଣବ ଦା ।

କୋଲକାତାର ବୀରଭୂମିରେ 1935 ମସିହା ଡିସେମ୍ବର 11 ତାରିଖରେ ଜନ୍ମ ଗ୍ରହଣ କରିଥିଲେ ପ୍ରଣବ ମୁଖାର୍ଜୀ । ପିତା କାମଦା କିଙ୍କର ମୁଖାର୍ଜୀ ଓ ମାତା ରାଜଲଷ୍ମୀଙ୍କ କୋଳମଣ୍ଡନ କରି ଜନ୍ମ ହୋଇଥିଲେ ଏହି ଜଗତଜନ୍ମା ସନ୍ତାନ ।  ପିଲା ଦିନରୁ ପାଠ ପଢାରେ ବେସ ରୁଚି ରଖୁଥିଲେ ପ୍ରଣବ । ସୁରି ବିଦ୍ୟାସାଗର କଲେଜରୁ ପାଠ ପଢା ଆରମ୍ଭ କରିଥିବା ପ୍ରଣବ ପଲିଟିକାଲ ସାଇନସ ଓ ଇତିହାସରେ ମାଷ୍ଟର ଡିଗ୍ରୀ ହାସଲ କରିଥିଲେ ଏଥି ସମେତ କୋଲକାତା ବିଶ୍ୱ ବିଦ୍ୟାଳୟରୁ LLB ଡିଗ୍ରୀ ମଧ୍ୟ ହାସଲ କରିଥିଲେ ପ୍ରଣବ । କୋଲକାତାରେ ଏକ କମ୍ପାନୀରେ କ୍ଲର୍କ ଭାବେ କାମ ଆରମ୍ଭ କରିଥିଲେ, ଏହାପରେ 1963ରେ ବିଦ୍ୟାନଗର କଲେଜରେ ପଲିଟିକାଲ ସାଇନ୍ସରେ ଆସିଷ୍ଟାଣ୍ଟ ପ୍ରଫେସର ଭାବେ ଶିକ୍ଷା ଦାନ କରିଥିଲେ । ଏତେ ସାରା ଡିଗ୍ରୀ ଓ ଜ୍ଞାନର ଅଧିକାରୀ ସତ୍ତ୍ୱେ ରାଜନୀତିକୁ ଜୀବନର ଅସ୍ତ୍ର ବୋଲି ଧରି ନେଇଥିଲେ ପ୍ରଣବ । ରାଜ୍ୟ ରାଜନୀତି ପରିବର୍ତ୍ତେ ଦିଲ୍ଲୀ ଦରବାରରେ ରାଜନୀତିର ରଣାଙ୍ଗନକୁ ଓହ୍ଲାଇଥିଲେ ଦାଦା । 1969ରେ ରାଜନୀତିରେ ପାଦ ଦେଲେ ପ୍ରଣବ । ଏହା ପରେ ଆଉ ସେ ପଛକୁ ଫେରି ଚାହିଁ ନାହାନ୍ତି । ବୀଚକ୍ଷଣ ରାଜନୀତି ପାଇଁ ସେ ସମୟର ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ତାଙ୍କୁ ରାଜନୀତିରେ ସୁଯୋଗ ଦେଇଥିଲେ ।  ଏହା ପରେ କଂଗ୍ରେସ ପାଇଁ ପ୍ରଣବ ବନି ଯାଇଥିଲେ ଅତି ଗୁରୁତ୍ୱପୂର୍ଣ ।  ସେଥିପାଇଁ ତ ବିପଦ ସମୟରେ କଂଗ୍ରେସ ପାଇଁ ସଂକଟମୋଚକ ସାଜନ୍ତି ପ୍ରଣବ ଆଉ ସତ୍ତା ସମୟରେ ମିଳେ ଗୁରୁ ଦାୟିତ୍ୱ ।

ରାଜନୀତିର ଶିଖର ଛୁଇଂଥିବା ପ୍ରଣବ ସମୟ କ୍ରମେ ହେଲେ ଦେଶର ରାଷ୍ଟ୍ରପତି ।  ଯେତେବେଳେ 2012ରେ କଂଗ୍ରେସ ରାଷ୍ଟ୍ରପତି ପ୍ରାର୍ଥୀ ଖୋଜୁଥାଏ, ସେତେବେଳେ ଗୋଟିଏ ନା ବାରମ୍ବାର ଆସୁଥିଏ, ଆଉ ସେ ହେଉଛନ୍ତି ପ୍ରଣବ ମୁଖାର୍ଜୀ । ଏହି ପଦ ପାଇଁ ମଧ୍ୟ ଆଶା ବାନ୍ଧିଥିଲେ ଦାଦା । କଂଗ୍ରେସ ମଧ୍ୟ ତାଙ୍କୁ ନିରାଶ କରିନଥିଲା ।ଯେତେବେଳେ କଂଗ୍ରେସ ପ୍ରଣବଙ୍କ ନା ଘୋଷଣା କଲା, ସେତେବେଳେ ଅନେକ ବିରୋଧୀ ମଧ୍ୟ ଏହାକୁ ସ୍ୱାଗତ କଲେ । କାରଣ ସମସ୍ତଙ୍କ ଅତି ପ୍ରିୟ ଥିଲେ ପ୍ରଣବ  । ଆଉ ଶେଷରେ ରାଷ୍ଟ୍ରପତି ପଦ ଅଳଙ୍କୃତ କଲେ ।

Former President Pranab Mukherjee passes away, announces his son Abhijit Mukherjee. pic.twitter.com/3SFxmRE21j

— ANI (@ANI) August 31, 2020

ଇଏ ତ ଥିଲା ରାଜନୀତିର କଥା ।  ରାଜନୀତିରେ ସୃଷ୍ଟି କରିଥିବା ଅଜାତ ଶତ୍ରୁ ପ୍ରଣବ ଅନେକ ସମ୍ମାନରେ ସମ୍ମାନିତ ହୋଇଛନ୍ତି ।  2008ରେ ପ୍ରଣବଙ୍କୁ ମିଳିଥିଲା ପଦ୍ମ ବିଭୁଷଣ ସମ୍ମାନ ।  2019ରେ ଭାରତ ରତ୍ନ ଭଳି ସର୍ବୋଚ୍ଚ ସଂମ୍ମାନରେ ସମ୍ମାନିତ ହୋଇଥିଲେ ଦାଦା ।  କେବଳ ଏତିକି ନୁହେଁ, ଅନେକ ଡ଼କ୍ଟରେଟ ସମ୍ମାନ ସହ ବିଦେଶ ରାଷ୍ଟ୍ରରୁ ମଧ୍ୟ ତାଙ୍କୁ  ଅନେକ ସମ୍ମାନ । ରାଜନୀତି ଭଳି ବ୍ୟକ୍ତିଗତ ଜୀବନରେ ମଧ୍ୟ ସେ ବେଶ୍‌ ଶୃଙ୍ଖଳିତ ଥିଲେ  । 1957 ଜୁଲାଇ 13 ତାରିଖରେ ସୁରଭା ମୁଖାର୍ଜୀଙ୍କୁ ବିବାହ କରିଥିଲେ ପ୍ରଣବ । ତାଙ୍କର ଦୁଇ ପୁଅ ହେଉଛନ୍ତି ଇନ୍ଦ୍ରଜିତ ଓ ଅଭିଜିତ ମୁଖାର୍ଜୀ ଓ ଜଣେ ଝିଅ ଶର୍ମିଷ୍ଠା ମୁଖାର୍ଜୀ । 2015 ଅଗଷ୍ଟ 18 ତାରିଖରେ 74 ବର୍ଷ ବୟସରେ ପ୍ରାଣ ହରାଇଥିଲେ ପତ୍ନୀ ସୁରଭା । କହିବାକୁ ଗଲେ ଏକାଧାରରେ ପ୍ରଣବ ଥିଲେ ଜଣେ ରାଜନେତା । ଆଇନ ବିଶାରଦ, ମିଷ୍ଟଭାସି ଓ ସମସ୍ତଙ୍କ ଅତି ପ୍ରିୟ

ଗତ କିଛି ଦିନ ହେବ ହସ୍ପିଟାଲରେ ଚିକିତ୍ସିତ ଅବସ୍ଥାରେ ଥିବାବେଳେ ସୋମବାରକୁ ସବୁଦିନ ପାଇଁ ଦୁନିଆରୁ ବିଦାୟ ନେଇଛନ୍ତି ସମସ୍ତଙ୍କ ପ୍ରିୟ ପ୍ରଣବ ।