ନୋବେଲ ଶାନ୍ତି ପୁରସ୍କାର ପଛରେ ରହିଛି ପ୍ରଣବଙ୍କ ଉଦ୍ୟମ..

ରାଉରକେଲା: ଓଡ଼ିଶା ପାଇଁ ଗୌରବ ଆଣିଲେ ଓଡ଼ିଆ ପୁଅ। ୨୦୨୦ ନୋବେଲ ଶାନ୍ତି ପୁରସ୍କାର ପାଇଥିବା ଓ୍ୱାର୍ଲଡ ଫୁଡ ପ୍ରୋଗାମର ସଫଳତା ପଛରେ ଓଡ଼ିଆ ପୁଅ ପ୍ରଣବ ଖୈତାନଙ୍କ ହାତ ରହିଛି । ୱାର୍ଲଡ ଫୁଡ ପ୍ରୋଗାମର ଆଡଭାଇଜରୀ କାଉନସିଲର ସଦସ୍ୟ ଥିବା ପ୍ରଣବ କାର୍ଯ୍ୟକ୍ରମର ସଫଳତା ପଛରେ ପ୍ରମୁଖ ଭୂମିକା ଗ୍ରହଣ କରିଛନ୍ତି ।

ରାଉରକେଲା ଏନଆଇଟିରେ ଇଞ୍ଜିନିୟରିଂ କରିଥିବା ପ୍ରଣବ, ଷ୍ଟାନଫୋର୍ଡ ୟୁନିଭରସିଟିରୁ ମାଷ୍ଟର ଡିଗ୍ରୀ ଶେଷ କରିଛନ୍ତି । ବର୍ତ୍ତମାନ ସେ ଗୁଗୁଲ୍ ସହ କାର୍ଯ୍ୟରତ । ବରିଷ୍ଠ ଯନ୍ତ୍ରୀ ଭାବେ କାର୍ଯ୍ୟ କରୁଛନ୍ତି । ପ୍ରଣବଙ୍କ ପରିବାର ରାଉରକେଲାର ବାସିନ୍ଦା ହୋଇଥିବା ବେଳେ ପୁଅର ସଫଳତା ପରେ ପରିବାରରେ ଖୁସିର ଲହରୀ ଖେଳିଯାଇଛି । ଦଶନ୍ଧୀ ଦଶନ୍ଧୀ ଧରି ଏଫଟିଏ ବିଶ୍ୱର ଲକ୍ଷ ଲକ୍ଷ ଭୋକିଲା ଲୋକଙ୍କ ମୁହଁରେ ଖାଦ୍ୟ ଯୋଗାଇ ଆସୁଛି ।