ଛାତ ଉପରେ ପ୍ରକୃତି, ବାଲକୋନିରେ ବାବୁସାନ୍

ଭୁବନେଶ୍ୱର: ବିବାଦ ଭିତରେ ନଜର ଆସିଲେ ପ୍ରକୃତି ମିଶ୍ର । ଛାତ ଉପରକୁ ଆସି ଗଣମାଧ୍ୟମକୁ ଭେଟିଲେ ପ୍ରକୃତି । ୪ଦିନ ପରେ ଘରୁ ବାହାରି ଛାତରେ ବୁଲିଛନ୍ତି ପ୍ରକୃତି । ଠିକ ସମୟ ଆସିଲେ ସବୁ କଥା କହିବି ବୋଲି ସେ କହିଛନ୍ତି । ପ୍ରକୃତିଙ୍କ ସହିତ ତାଙ୍କ ବାପା ମନ୍ମଥ ମିଶ୍ର ମଧ୍ୟ ସାମ୍ନାକୁ ଆସିଛନ୍ତି । ତଦନ୍ତରେ ସେ ସମ୍ପୂର୍ଣ୍ଣ ସହଯୋଗ କରୁଛନ୍ତି । ବିବାଦ ଆଗକୁ ତୁଟିଯିବ ।

ସେହିପରି ଘଟଣାକୁ ନେଇ ପ୍ରକୃତି ମିଶ୍ରଙ୍କ ବାପା ମନ୍ମଥ ମିଶ୍ର କହିଛନ୍ତି ଝିଅ ମାନସିକ ସ୍ତରରେ ସମ୍ପୂର୍ଣ୍ଣ ଠିକ ଅଛି । ଖୁବଶୀଘ୍ର ସେ ନିଜର କର୍ତ୍ତବ୍ୟସ୍ଥଳ ମୁମ୍ବାଇକୁ ଫେରିଯିବା ବୋଲି ମନ୍ମଥ କହିଛନ୍ତି । ତେବେ ଆଜି ଭାଇରାଲ ହୋଇଥିବା ଅଡିଓ ସମ୍ପର୍କରେ କୌଣସି ପ୍ରତିକ୍ରିୟା ଦେଇନାହାନ୍ତି ପ୍ରକୃତି ଓ ତାଙ୍କ ବାପା ।

ଗତକାଲି ବାବୁସାନ ମହାନ୍ତି ଘଟଣାରେ ନଜର ଆସିଥିବାବେଳେ ଆଜି ପ୍ରକୃତି ମିଶ୍ର ସାମ୍ନାକୁ ଆସିଛନ୍ତି  । ବାବୁସାନ ବାଲକୋନିରେ ନିଜ ମାଆ ଅପରାଜିତା ମହାନ୍ତିଙ୍କ ସହ ସାମ୍ବାଦିକଙ୍କ ସାମ୍ନାକୁ ଆସିଥିଲେ  । ପୋଲିସର ପଚରାଉଚରା ପରେ ସବୁ ପ୍ରତିକ୍ରିୟା ଦେବି ବୋଲି କହିଥିଲେ ବାବୁସାନ  । ଆଜି ପ୍ରକୃତି ମିଶ୍ର ବାପା ମନ୍ମଥ ମିଶ୍ରଙ୍କ ସହ ସାମ୍ନାକୁ ଆସିଛନ୍ତି  । ନିଜ ଛାତ ଉପରେ ଦେଖିବାକୁ ମିଳିଥିଲେ  । ଏଥିସହିତ ସେ ମଧ୍ୟ ସମସ୍ତ କଥା ସାମ୍ବାଦିକଙ୍କୁ କହିବେ ବୋଲି ପ୍ରତିକ୍ରିୟାରେ କହିଛନ୍ତି  ।