ଟ୍ୱିଟରରେ ନବୀନଙ୍କୁ ପ୍ରଶଂସା, ନୋ ସାଉଣ୍ଡ-ଓନ୍‌ଲି ଆକ୍ସନ

ଭୁବନେଶ୍ୱର: ଜାତୀୟ ବିପତ୍ତିବେଳେ ଦେଶ ପାଇଁ ଚିନ୍ତା କରୁଥିବା ନବୀନଙ୍କ କରୋନା ମୁକାବିଲା ପୁଣି ପ୍ରଶଂସିତ ହୋଇଛନ୍ତି । ଟ୍ବିଟରରେ ଭୂୟସୀ ପ୍ରଶଂସା କରିଛନ୍ତି ବିଶିଷ୍ଟ ବ୍ୟବସାୟୀ, ସ୍ତମ୍ଭକାର ସୁହେଲ ସେଠ୍ । ରାଜ୍ୟରେ କରୋନା ନିୟନ୍ତ୍ରଣ ହେଉ କି ଅନ୍ୟ ରାଜ୍ୟକୁ ଅକ୍ସିଜେନ୍ ସହାୟତା । ସବୁଠି ନିରବ ନବୀନଙ୍କ ଏକ୍ସିଲେନ୍ସି ଚମତ୍କାର ଦେଖାଇଛି ବୋଲି ସୁହେଲ ଟୁଇଟ୍ କରିଛନ୍ତି ।

କରୋନା ଭଳି କଠୋର ମୁହୂର୍ତ୍ତରେ ସାରାଦେଶକୁ ନିଶ୍ବାସ ଯୋଗାଇ ନିଜ ମହାନ ଆଭିମୁଖ୍ୟର ଦେଖାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବିଶିଷ୍ଟ ସ୍ତମ୍ଭକାର ସୁହେଲ ସେଠଙ୍କ ଏହି ଟୁଇଟ୍ ପରେ ଅନେକ ଏହା ଉପରେ ନିଜର ପ୍ରତିକ୍ରିୟା ରଖିଛନ୍ତି । ଅଯଥା ରାଜନୈତିକ ବୟାନବାଜିରେ ମୁଣ୍ଡ ନଖେଳାଇବା ନବୀନଙ୍କ କ୍ଲାସ୍ ଫ୍ୟାକ୍ଟର । ନବୀନଙ୍କ ଶାସନ କାଳରେ ଓଡ଼ିଶାବାସୀ ଅତ୍ୟନ୍ତ ଭାଗ୍ୟଶାଳୀ ବୋଲି ଜଣେ ୟୁଜର କମେଣ୍ଟ କରିଛନ୍ତି ।

ନୋ ସାଉଣ୍ଡ, ଓନ୍‌ଲି ଆକ୍ସନରେ କାର୍ଯ୍ୟ କରନ୍ତି ନବୀନ ବୋଲି ଆଉ ଜଣେ ୟୁଜର ଟୁଇଟ୍ କରିଛନ୍ତି । ଆଉ ଜଣେ ୟୁଜର ଲେଖିଛନ୍ତି, ନବୀନଙ୍କ ପୂର୍ବରୁ ଓଡ଼ିଶାବାସୀ ବହୁ କଷ୍ଟ ଭୋଗିଥିଲେ । ଓଡ଼ିଶାରେ ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇପଡ଼ିଥିଲା । ଦୁର୍ନୀତି, ଭ୍ରଷ୍ଟାଚାରରେ ସ୍ଥିତି ସାଂଘାତିକ ହୋଇଥିଲା । ହେଲେ ନବୀନଙ୍କ ଶାସନରେ ଓଡ଼ିଶାରେ ଅନେକ ପ୍ରଗତି ହୋଇଛି । ଯାହା ଏବେ ନବୀନଙ୍କୁ ଜଣେ ଷ୍ଟେଟସମ୍ୟାନ ଭାବେ ପରିଚିତ କରିଛି ।

Leave a Reply