ପ୍ରଦୀପଙ୍କ ଜାମିନ ଆବେଦନ ଖାରଜ, ଲୋକାୟୁକ୍ତଙ୍କୁ ମୁଖ୍ୟମନ୍ତ୍ରୀଙ୍କ ତଦନ୍ତ ସୁପାରିଶ

ଭୁବନେଶ୍ୱର: ଦ୍ୱିତୀୟ ଥର ପାଇଁ ପ୍ରଦୀପ ପାଣିଗ୍ରାହୀଙ୍କ ଜାମିନ ଆବେଦନ ଖାରଜ । ଜାମିନ ଖାରଜ କଲେ ଏଡିଜେ କୋର୍ଟ-୩ । ତିନି ଘଣ୍ଟାର ଜବାବସୁଆଲ ପରେ କୋର୍ଟ ରାୟ ସଂରକ୍ଷିତ ରଖି ଶେଷରେ ଜାମିନ ଆବେଦନ ଖାରଜ କରିଛନ୍ତି । ଏବେ ଜେଲର ଚାରିକାନ୍ଥ ଭିତରେ କଟିବ ପ୍ରଦୀପଙ୍କ ରାତି । ୧୪ ଦିନିଆ ବିଚାର ବିଭାଗୀୟ ହାଜତରେ ଅଛନ୍ତି ପ୍ରଦୀପ । ତାଙ୍କ ନାଁରେ ଆଇପିସି ଧାରା ୪୧୯, ୪୨୦, ୪୬୭, ୪୬୯, ୪୭୧ ଓ ଧାରା ୧୨୦-ବି ଲାଗିଛି ପ୍ରଦୀପଙ୍କ ବିରୋଧରେ ।

ଟାଟା ମୋଟର୍ସ ନାଁରେ ଜାଲ ନିଯୁକ୍ତି ଓ ଅର୍ଥ ଠକେଇ ମାମଲାରେ ତାଙ୍କୁ ଗିରଫ କରାଯାଇଛି । ପୂର୍ବରୁ ମଧ୍ୟ ଥରେ ଜାମିନ ପାଇଁ ଏସ୍‌ଡିଜେଏମ୍‌ଙ୍କ କୋର୍ଟରେ ଆବେଦନ କରିଥିଲେ ପ୍ରଦୀପ ।

ଅନ୍ୟପଟେ ପ୍ରଦୀପଙ୍କ ବିରୋଧରେ ଥିବା ସାଂଘାତିକ ଅଭିଯୋଗର ତଦନ୍ତ କରିବେ ଲୋକାୟୁକ୍ତ । ଏନେଇ ମୁଖ୍ୟମନ୍ତ୍ରୀଙ୍କ ପକ୍ଷରୁ ଲୋକାୟୁକ୍ତଙ୍କୁ ସୁପାରିଶ କରାଯାଇଛି । ଲୋକାୟୁକ୍ତ ଗଠନ ହେବା ପରେ ପ୍ରଥମ ଦୁର୍ନୀତି ମାମଲା ଭାବେ ରାଜ୍ୟ ସରକାର ଏହି ସୁପାରିଶ କରିଛନ୍ତି ।