ସମୁଦି ସବୁଠୁ ଭଲ IFS ଅଫିସର, ଭାବୀ ଜ୍ୱାଇଁ ନିରୀହ: ପ୍ରଦୀପ ପାଣିଗ୍ରାହୀ
1 min read
ଭୁବନେଶ୍ୱର: ଦଳରୁ ବିଦା ହେବା ପରେ ବାଉଳା ହେଉଛନ୍ତି ପ୍ରଦୀପ ପାଣିଗ୍ରାହୀ । କହିଲେ ପାଠକ୍ ବାପ-ପୁଅ ଅତ୍ୟନ୍ତ ନିରୀହ । ଜାଣିଶୁଣି ଆକାଶଙ୍କ ଭବିଷ୍ୟତକୁ ଅନ୍ଧାରକୁ ଠେଲି ଦିଆଯାଇଛି । ଅଭୟକାନ୍ତ ସବୁଠୁ ଭଲ ଆଇଏଫ୍ଏସ୍ ଅଫିସର୍ ।
ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ଦଳ ବିରୋଧୀ କାର୍ଯ୍ୟ ପାଇଁ ବିଜେଡିରୁ ସୁପ୍ରିମୋ ନବୀନ ପଟ୍ଟନାୟକ ବହିସ୍କୃତ କରିବା ପରେ ଏକ ସାମ୍ବାଦିକ ସମ୍ମିଳନୀ କରିଛନ୍ତି । ସେଥିରେ ସେ ଆୟବର୍ହିଭୂତ ସମ୍ପତିଠୁଳ ଅଭିଯୋଗରେ ଗିରଫ ହୋଇଥିବା ଅଭୟକାନ୍ତଙ୍କୁ ନିରୀହ ବୋଲି ସମ୍ବୋଧନ କରିଛନ୍ତି । ଏମିତିକି ତାଙ୍କୁ ସବୁଠୁ ଭଲ ଆଇଏଫ୍ଏସ୍ ଅଫିସର୍ ବୋଲି କହିଛନ୍ତି । ଏହାସହ ତାଙ୍କୁ ପୁଅ ଆକାଶକୁ ଜାଣିଶୁଣି ଫସାଯାଇଛି ବୋଲି ପ୍ରଦୀପ କହିଛନ୍ତି । ଅନ୍ୟପଟେ ଅଭୟକାନ୍ତ ଓ ତାଙ୍କ ପୁଅ ଚାର୍ଟାର ଫ୍ଲାଇଟ୍ରେ ଉଡ଼ିବା କଥା ପ୍ରଦୀପ ସ୍ୱୀକାର କରିଛନ୍ତି । ଖାଲି ସେତିକି ନୁହେଁ ତାଙ୍କ ସହ ଚାର୍ଟର ଫ୍ଲାଇଟ୍ରେ ନିଜେ ମଧ୍ୟ ଉଡ଼ିଥିବା କଥା କହିଛନ୍ତି ।
ତେବେ ସାମ୍ବାଦିକଙ୍କୁ ଏଭଳି ବୟାନ୍ ଦେବା ବେଳେ ହଠାତ୍ ନିଜ ଝିଅ କଥା ଭାବି ଭାବ ବିହ୍ୱଳ ହୋଇପଡ଼ିଥିଲେ ପ୍ରଦୀପ । ସମ୍ମିଳନୀ କଲା ବେଳେ ଭାବପ୍ରବଣ ହୋଇପଡ଼ିଛନ୍ତି ପ୍ରଦୀପ । କାରଣ ପ୍ରଦୀପଙ୍କ ଝିଅ ସହ ଆକାଶଙ୍କ ବିବାହ ସ୍ଥିର ହୋଇଛି । ଆଉ ସେଥିପାଇଁ ବାହାଘର କାର୍ଡ ମଧ୍ୟ ଛପା ଯାଇଛି ।
