ରାସ୍ତାରେ ପଡ଼ିଛି ପିପିଇ କିଟ୍, ଲୋକ ଭୟଭୀତ

ବଲାଙ୍ଗିର: ମହାମାରୀ କରୋନାର ଦ୍ୱିତୀୟ ପ୍ରବାହ ଲାଗି ରହିଛି । ପ୍ରତିଦିନ ଆକ୍ରାନ୍ତଙ୍କ ସଂଖ୍ୟା ମଧ୍ୟ ବଢ଼ି ଚାଲିଛି । ବଲାଙ୍ଗିରରେ ମଧ୍ୟ ପ୍ରତିଦିନ ଶହ ଶହ ଲୋକ ସଂକ୍ରମିତ ହେଉଛନ୍ତି ଯାହା ଚିନ୍ତାର ବିଷୟ ପାଲଟିଛି । ସଂକ୍ରମଣ ବ୍ୟାପୁଥିବା ବେଳେ ରାସ୍ତାରେ ପିପିଇ କିଟ୍ ଫିଙ୍ଗା ଯାଇଥିବା ଦେଖିବାକୁ ମିଳିଛି । ସହରର ଲାଲଟିକ୍ରା ଗ୍ରୀଡ୍ ନିକଟରେ ରାସ୍ତା ଉପରେ ପଡ଼ିଛି ପିପିଇ କିଟ୍ । ପିପିଇ କିଟ୍ ପଡ଼ଥିବାରୁ ସ୍ଥାନୀୟ ଲୋକେ ଭୟଭୀତ ହୋଇ ପଡ଼ିଛନ୍ତି ।

ଏହି ମୁଖ୍ୟରାସ୍ତା ଦେଇ ପାଟଣାଗଡ଼, କଣ୍ଟାବାଞ୍ଜି ସମେତ ଅନ୍ୟ ସ୍ଥାନକୁ ଲୋକେ ଯିବା ଆସିବା କରନ୍ତି । ତେବେ କରୋନା ରୋଗୀକୁ ନେବା ଆଣିବା କରୁଥିବା କୌଣସି ଏକ ଆମ୍ବୁଲାନ୍ସ କର୍ମଚାରୀ ବା ଅନ୍ୟ କେହି ଫିଙ୍ଗି ଦେଇଥିବା ଅନୂମାନ କରାଯାଉଛି । କିଟ୍ ପଡ଼ିଥିବା ରାସ୍ତାରେ ହଜାର ହଜାର ଲୋକ ଯିବା ଆସିବା କରୁଥିବାରୁ ସଂକ୍ରମଣ ଆଶଙ୍କା ରହିଛି ।