ଖରାଦିନ ଗରମରେ ଛଟପଟ ପାକିସ୍ତାନବାସୀ: ୧୫ ଘଣ୍ଟା ହେଉଛି ବିଦ୍ୟୁତ୍ କାଟ୍

ନୂଆଦିଲ୍ଲୀ: ଖରାଦିନର ପ୍ରବଳ ଗୁଳୁଗୁଳି ଏବଂ ରାତିର କିଟିକିଟି ଅନ୍ଧାରରେ ପାକିସ୍ତାନବାସୀ ଏବେ ଛଟପଟ ହେଉଛନ୍ତି । କାରଣ ଏବେ ସେଠାରେ ବିଦ୍ୟୁତର ଘୋର ଅଭାବ ଦେଖାଦେଇଛି । କିଛି ଦିନ ପରେ ଇସଲାମ ଧର୍ମର ବଡ଼ ପର୍ବ କୁହାଯାଉଥିବା ଇଦ୍-ଉଲ୍-ଫିତର୍ ଥିବାରୁ ଏଭଳି ଏକ ବିଦ୍ୟୁତ ସଙ୍କଟରେ ପଡ଼ିଯାଇଛନ୍ତି ପାକିସ୍ତାନବାସୀ ।

ସେଠାରେ ପ୍ରତେକ ଦିନ ୮ରୁ ୧୫ ଘଣ୍ଟା ବିଦ୍ୟୁଟ କାଟ ହେଉଛି । ବିଶେଷକରି କରାଚି, ଲାହୋର, ରାଓ୍ବଲପିଣ୍ଡି, କ୍ବେତା, ପେଶଓ୍ବାର, ମୁଲତାନ ଭଳି ଅନେକ ସହରର ଲୋକେ ଏବେ ଘାରି ହେଉଛନ୍ତି ।

ପାକିସ୍ତାନ ଅଧିକୃତ ପଞ୍ଜାବର ସହରାଞ୍ଚଳରେ ୮ରୁ ୯ ଘଣ୍ଟା ବିଦ୍ୟୁତ୍ କାଟ ହେଉଥିବାରୁ ଗ୍ରାମାଞ୍ଚଳରେ ୧୦ରୁ ୧୨ ଘଣ୍ଟା ବିଦ୍ୟୁତକାଟ ହେଉଛି । ଶକ୍ତି ବିଭାଜନ ପକ୍ଷରୁ କୁହାଯାଇଛି ଯେ, ପାକିସ୍ତାନରେ ଦିନକୁ ୧୯ ହଜାର ମେଗାଓ୍ବାଟର ବିଦ୍ୟୁତ ଆବଶ୍ୟକ ଥିଲାବେଳେ ଏବେ ମାତ୍ର ୧୭ ହଜାର ମେଗାଓ୍ବାଟ୍ ବିଦ୍ୟୁତ ଉତ୍ପାଦନ ହେଉଛି । କେବଳ ମଧ୍ୟହ୍ନ ଏବଂ ସନ୍ଧ୍ୟାବେଳେ ଏହାର ଆବଶ୍ୟକତା ୨୧ ହଜାର ମେଗାଓ୍ବାଟ ହେଉଛି ।