ଆୟ ବଢ଼ୁଛି, ବିକାଶ ହେଉଛି
1 min read
ଭୁବନେଶ୍ୱର: କମୁଛି ଦାରିଦ୍ର୍ୟ, ହସୁଛି ଓଡ଼ିଶା । ନବୀନ ସରକାରରେ ରାଜ୍ୟରେ ବିକାଶ ହେଉଛି, ଆୟ ବଢ଼ୁଛି । ଅଭିବୃଦ୍ଧି ଦୂରାଉଛି ରାଜ୍ୟର ଦାରିଦ୍ର୍ୟ ହାର । ୨୦୦୪-୨୦୦୫ ମସିହାରେ ଓଡ଼ିଶାରେ ଦାରିଦ୍ର୍ୟ ହାର ୫୭.୬ ପ୍ରତିଶତ ଥିଲା । ୨୦୧୧-୨୦୧୨ରେ ଏହି ଦାରିଦ୍ର୍ୟ ହାର ହ୍ରାସ ପାଇ ୩୨.୯ ପ୍ରତିଶତରେ ପହଞ୍ଚିଥିଲା । ଏହାପରେ ୨୦୧୫-୨୦୧୬ରେ ୨୯.୩%କୁ କମିଛି । ରାଜ୍ୟ ସରକାରଙ୍କ ବିଭିନ୍ନ ବିକାଶମୂଳକ ଯୋଜନାର ସଫଳ ରୂପାୟନ ଦ୍ୱାରା ରାଜ୍ୟରେ କ୍ରମାଗତ ଭାବେ ଦାରିଦ୍ର୍ୟ କମିଛି ।
ଟଙ୍କିକିଆ ଚାଉଳ, ଅନ୍ତୋଦୟ ଯୋଜନାରେ ଗରିବଙ୍କୁ ମିଳୁଛି ମାଗଣା ଖାଦ୍ୟ । ସେହିପରି ବିଏସକେଓ୍ୱାଇ, ବିଜୁ ପକ୍କା ଘର ଭଳି ଯୋଜନା ଗ୍ରାମାଞ୍ଚଳରେ ଅର୍ଥନୈତିକ ସ୍ଥିତିରେ ଐତିହାସିକ ପରିବର୍ତ୍ତନ ଆଣିଛି । ଗ୍ରାମାଞ୍ଚଳରେ ମହିଳାଙ୍କୁ ସ୍ୱାବଲମ୍ବୀ କରିଛି ମିଶନ ଶକ୍ତି । ଏସଏଚଜି ଜରିଆରେ ୭୦ଲକ୍ଷରୁ ଅଧିକ ମହିଳା ସ୍ୱାବଲମ୍ବୀ ହୋଇଛନ୍ତି । ଦକ୍ଷତା ବିକାଶ ଯୋଜନାରେ ଯୁବକ ଯୁବତୀ ଆତ୍ମନିର୍ଭରଶୀଳ ହୋଇପାରିଛନ୍ତି ।
