ଅଗଷ୍ଟ ୮ ଓ ୧୨ରେ ପଜିଟିଭ ହାର ସବୁଠୁ ଅଧିକ ୮ ପ୍ରତିଶତ ରହିଛି

ଭୁବନେଶ୍ୱର: କରୋନା ନେଇ ରାଜ୍ୟ ସରକାରଙ୍କ ପ୍ରେସମିଟ୍ । ସିଏମସି କମିଶନର ଅନନ୍ୟା ଦାସଙ୍କ ସୂଚନା । ଯଦି ଆମେ ସିଏମସି ଏରିଆ ଦେଖିବା । ତେବେ ୮ ଅଗଷ୍ଟରୁ ୧୪ ସୁଦ୍ଧା କରୋନାର ମୋଟ କେସ ୬୦୫ଟି ଆସିଥିଲା । ଏମାନଙ୍କ ମଧ୍ୟରେ ୧୬୫ ଜଣ କଣ୍ଟେନମେଣ୍ଟ ଜୋନ, ୧୭୪ ଜଣ ହୋମ କ୍ୱାରେଣ୍ଟାଇନ, ୧୨୭ ଜଣ ଇନଷ୍ଟିଚ୍ୟୁସନାଲ କ୍ୱାରେଣ୍ଟାଇନ ଏବଂ ୧୩୯ ଜଣ ଲୋକାଲ କଣ୍ଟାକ୍ଟ ରହିଛି । ୨୧ରୁ ୪୦ ବର୍ଷ ବୟସର ଲୋକ ଅଧିକ ସଂକ୍ରମିତ ହେଉଛନ୍ତି । ଏହି ବୟସର ଲୋକେ ବାହାରକୁ ଅଧିକ ବାହାରୁ ଥିବାରୁ ସଂକ୍ରମିତ ଅଧିକ ହେଉଛନ୍ତି । ସେଥିପାଇଁ ସରକାର ସତର୍କତା ଅବଲମ୍ବନ କରିବାକୁ ଚେତାବନୀ ନେଇଛନ୍ତି ।

କାମ ପାଇଁ ବାହାରକୁ ଯାଆନ୍ତୁ ମାତ୍ର ସତର୍କତା ଅବଲମ୍ବନ କରନ୍ତୁ ବୋଲି ସିଏମସି କମିଶନର କହିଛନ୍ତି । ଅଗଷ୍ଟ ୮ ଓ ୧୨ରେ ପଜିଟିଭ ହାର ସବୁଠୁ ଅଧିକ ୮ ପ୍ରତିଶତ ରହିଛି । ଏବଂ ଯଦି ଦେଖିବା କେବେ କେବେ ଜିଲ୍ଲାରେ ପଜିଟିଭ ସଂଖ୍ୟା ବଢ଼ୁଥିବା ବେଳେ କେବେ କେବେ କମି ମଧ୍ୟ ଯାଉଛି । ସେପଟେ ୧୧୨ ଜଣଙ୍କଠାରୁ ୨୨୪ ୟୁନିଟ ପ୍ଲାଜମା ସଂଗ୍ରହ କରାଯାଇଛି । ସେପଟେ ସିଏମସିର ବିଭିନ୍ନ ପିଏଚସି ଓ ସିଏଚସିରେ ଟେଷ୍ଟିଂ ଆରମ୍ଭ ହୋଇଛି ।

ମୋବାଇଲ ଟେଷ୍ଟିଂ ସାହାଯ୍ୟରେ ଲୋକଙ୍କ ପାଖରେ ଯାଇ ଟେଷ୍ଟିଂ ଭ୍ୟାନ ପହଞ୍ଚୁଛି । ଜିଲ୍ଲା ମଧ୍ୟରେ ବସ୍ତି ଏବଂ ଅଧିକ ଲୋକଙ୍କ ଗହଳି ଥିବା ସ୍ଥାନକୁ ଗୁରୁତ୍ୱ ଦିଆଯାଇଛି । ଯେଉଁ ମାନଙ୍କର ଥଣ୍ଡା କିଜ୍ୱର ରହୁଛି ସେମାନଙ୍କୁ ଅଧିକ ଗୁରୁତ୍ୱ ଦିଆଯାଇ ତାଙ୍କର ଟେଷ୍ଟିଂ ଅଧିକ ମାତ୍ରାରେ କରାଯାଉଛି । ଗୁରୁତ୍ୱକୁ ଦେଖି ଆଣ୍ଟିଜେନ ଟେଷ୍ଟିଂ ବି ପିଏଚସି ଗୁଡିକରେ ଆରମ୍ଭ କରାଯାଇଛି । ସିଏମସିରେ ହୋମ ଆଇସୋଲେସନ ସୁବିଧା ଉପଲବ୍ଧ କରାଯାଇଛି । ତେବେ ହୋମ ଆଇସୋଲେସନ ପାଇଁ କିଟ ମଧ୍ୟ ଦିଆଯାଉଛି ରୋଗୀଙ୍କୁ ।