ପର୍ଣ୍ଣ ଇଣ୍ଡଷ୍ଟ୍ରିରୁ ରାଜଙ୍କ ଫ୍ୟୁଚର ପ୍ଲାନ୍, ହାତେଇଥାନ୍ତେ ଏତିକି ପ୍ରଫିଟ୍…

1 min read

ନୂଆଦିଲ୍ଲୀ: ପର୍ଣ୍ଣୋଗ୍ରାଫି ଫିଲ୍ମ ମାମଲାରେ୧୪ ଦିନ ଯାଏଁ ବଢିଛି ରାଜ କୁନ୍ଦ୍ରାଙ୍କ ବିଚାର ବିଭାଗୀୟ ହେପାଜତ ଅବଧି। ଆଜି ପୋଲିସ ରାଜଙ୍କୁ କୋର୍ଟରେ ହାଜର କରିବା ସହ ନ୍ୟାୟିକ ହେପାଜତ ବଢ଼ାଇବା ନେଇ ଆବେଦନ କରିଥିଲା।

ପର୍ଣ୍ଣ ମାମଲାର ଯାଞ୍ଚ କରୁଛି କ୍ରାଇମବ୍ରାଞ୍ଚ । କ୍ରାଇମବ୍ରାଞ୍ଚ ତରଫରୁ ଏକ ଚାର୍ଜସିଟରେ କୁନ୍ଦ୍ରାଙ୍କୁ ନେଇ ଏକ ପାୱାର ପଏଣ୍ଟ ପ୍ରେଜେଣ୍ଟେସନ୍ ଦାଖଲ କରାଯାଇଥିଲା। ଯେଉଁଥିରେ ବେଲିଫେମ୍ କମ୍ପାନୀରୁ ହେବାକୁ ଥିବା ଲାଭର ସମ୍ପର୍କରେ ଉଲ୍ଲେଖ କରାଯାଇଥିଲା । ସୂଚନା ଅନୁଯାୟୀ, ଆପଲ୍ ଓ ଗୁଗୁଲ୍ ହଟସଟ୍ ଆପକୁ ବନ୍ଦ କରିବା ପରେ ବେଲିଫେମକୁ  ପ୍ଲାନ୍ ବି ସମ୍ପର୍କରେ କହିଥିଲେ  ରାଜ ।

୩ ବର୍ଷରେ ମିଳିଥାନ୍ତା ଏତିକି ପ୍ରଫିଟ୍

କ୍ରାଇମବ୍ରାଞ୍ଚର ପାୱାର ପଏଣ୍ଟ ପ୍ରେଜେଣ୍ଟେସନରେ ଆଗାମୀ ୩ ବର୍ଷର ଲାଭ ସମ୍ପର୍କରେ ଉଲ୍ଲେଖ କରାଯାଇଥିଲା । ରିପୋର୍ଟ ମୁତାବକ ୨୦୨୧-୨୨ରେ ଗ୍ରସ୍ ରେଭେନ୍ୟୁ ୩୬,୫୦,୦୦,୦୦୦ ଟଙ୍କା । ଯେଉଁଥିରେ ପ୍ରଫିଟ୍ ୪,୭୬,୮୫,୦୦୦ ରହିଛି ।  ସେହିପରି ୨୦୨୨-୨୩ରେ ଗ୍ରସ୍ ରେଭେନ୍ୟୁ ୭୩,୦୦,୦୦,୦୦୦ ଟଙ୍କା ବୋଲି ସୂଚନା ମିଳିଛି । ଯେଉଁଥିରେ ପ୍ରଫିଟ୍ ହେବ ୪,୭୬,୮୫ରୁ ଅଧିକ । ଆହୁରି ମଧ୍ୟ ୨୦୨୩-୨୪ରେ ଗ୍ରସ୍ ରେଭେନ୍ୟୁ ୧୪୬,୦୦୦,୦୦୦ ଟଙ୍କା । ଯେଉଁଥିରୁ ପ୍ରଫିଟ୍ ମିଳିଥାନ୍ତି ୩୦,୪୨,୦୧,୪୦୦ ଟଙ୍କା ।

ତେବେ ଚାର୍ଜସିଟରେ ନେଟ୍ ପ୍ରଫିଟ୍ ଓ ଗ୍ରସ୍ ରେଭେନ୍ୟୁର ପ୍ରୋଜେକ୍ସନ୍ ବେଲିଫେମ୍ ପାଇଁ ହେଇଛି କିମ୍ବା ଆଉ କାହା ପାଇଁ । ସେନେଇ କିଛି କୁହାଯାଇନାହିଁ । ଏସବୁ ଦସ୍ତାବେଜ୍ ଉମେଶ କାମତ ଗିରଫ ହେବା ପରେ ମିଳିଥିବା କହିଛନ୍ତି ଜଣେ ଅଧିକାରୀ ।

ଅପରପକ୍ଷେ ରାଜଙ୍କ ଗିରଫଦାରୀ ପରେ ଏନେଇ ଅଧିକ କ୍ଲାରିଟି ମିଳିବା ଏବଂ ବେଲିଫେମ୍ ସମ୍ପର୍କିତ କନଫ୍ୟୁଜନ୍ ଦୂର କରିବା ନେଇ ଅଧିକ ଯାଞ୍ଚ କରିବୁ ବୋଲି ସମ୍ପୃକ୍ତ ଅଧିକାରୀ ପ୍ରକାଶ କରିଛନ୍ତି ।

 

Opn Commnet Area

Leave a Reply

Your email address will not be published. Required fields are marked *