କୋଷ୍ଟଗାର୍ଡ ହେଲିକପ୍ଟର କ୍ରାସ, ୩ ମୃତ

ନନ୍ଦିଘୋଷ ବ୍ୟୁରୋ: ଗଜୁରାଟ ପୋରବନ୍ଦର ଏୟାରପୋର୍ଟରେ ବଡ ଦୁର୍ଘଟଣା । ଏୟାରପୋର୍ଟରେ କୋଷ୍ଟଗାର୍ଡ ହେଲିକପ୍ଟର ଦୁର୍ଘଟଣାଗ୍ରସ୍ତ । ଏହି ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି। ତଟରକ୍ଷୀ ବାହିନୀର ଚପ୍ପର ଏଏଲଏଚ ଧୃବ କ୍ରାସ ପରେ ଜଳିଯାଇଛି। ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି। ଦୁର୍ଘଟଣାର କାରଣ ଅସ୍ପଷ୍ଟ ରହିଛି।

ପୋରବନ୍ଦର ବିମାନ ବନ୍ଦରର ଏୟାର ଏନକ୍ଲେଭ ନିକଟରେ ଦୁର୍ଘଟଣା ଘଟିଛି। ଗତ ଦୁଇ ମାସ ମଧ୍ୟରେ ଦ୍ବିତୀୟ ଥର କୋଷ୍ଟଗାର୍ଡ ଚପ୍ପର କ୍ରାସ ଘଟଣା ଘଟିଛି। ଏଏଲଏଚ-ଧୃବକୁ ସାମରିକ ବାହିନୀ ଦ୍ବାରା ପରିଚାଳିତ କରାଯାଇଥାଏ। ଦୁର୍ଘଟଣା ପରେ ଏହା ଏକ ଖୋଲା ପଡିଆରେ ଜଳିଯାଇଥିବା ଦେଖାଯାଇଥିଲା। ଘଟଣାର ତଦନ୍ତ ଜାରି ରହିଛି। ଏହି ହେଲିକପ୍ଟର ରୁଟିନ ଉଡାଣ ବେଳେ ଅଘଟଣ ଘଟିଥିଲା।