ସାଇବର ଠକ ସହ ବିଲାତି କୁକୁରର ବାର୍ତ୍ତାଳପ, ଭିଡିଓ ଭାଇରାଲ …

ମୁମ୍ବାଇ: ବର୍ତ୍ତମାନ ଯୁଗରେ ସାଇବର ଠକେଇ ଏକ ଚିନ୍ତାର କାରଣ ପାଲଟିଛି । ସାଇବର୍‌ ଅପରାଧ ସାରା ଦେଶକୁ ଏବେ କବଳିତ କରି ରଖିଛି। ଆଖି ପିଛୁଳାକେ ଲକ୍ଷ ଲକ୍ଷ ଟଙ୍କା ଠକି ନେଉଛନ୍ତି ସାଇବର୍‌ ଠକ । ସାମାନ୍ୟ ଅସାବଧାନତା ହେଉ ବା ସଚେତନତାର ଅଭାବ, ଝାଳବୁହା ପରିଶ୍ରମ କରି ଲୋକେ ରୋଜଗାର କରୁଥିବା ଅର୍ଥକୁ ଆଖି ପିଛୁଳାକେ ଲୁଟି ନେଉଛନ୍ତି ସାଇବର ଠକ ।  ବିଭିନ୍ନ ଉପାୟରେ ଲୋକଙ୍କୁ ଠକିବା ପାଇଁ ମାୟାଜାଲ ବିଛାଉଛନ୍ତି ଠକ ।  ସେମିତି ଏକ ଘଟଣା ଏବେ ସୋସିଆଲ ମିଡିଆରେ ଭାଇରାଲ ହେଉଛି । ନିଜ ମାୟାଜାଲରେ ନିଜେ ଫସିଯାଇଛି ସାଇବର ଠକ  । ଆଜ୍ଞା ହଁ ମୁମ୍ବାଇ ପୋଲିସର ପରିଚୟ ଦେଇ ଚେଷ୍ଟା କରୁଥିଲା ଲୁଟିବାକୁ ହେଲେ କୁକୁର ସହ ଗପି ବନିଗଲା ବୋକା ।  ବ୍ୟକ୍ତି ଜଣଙ୍କର ବୁଦ୍ଧିମତା ଯୋଗୁ ସେ ଠକ କବଳରୁ ମୁକ୍ତି ପାଇଛନ୍ତି ।

ମୁମ୍ବାଇରେ ଘଟିଥିବା ଏହି ଘଟଣା ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଏହି ଭିଡିଓରେ ଜଣେ ଠକ ନିଜକୁ ପୋଲିସ ଅଧିକାରୀ କହି ଭିଡିଓ କଲ କରିଥିଲେ । କିନ୍ତୁ ତାର ଯୋଜନା ଭଣ୍ଡୁର ହୋଇଗଲା କୁକୁରକୁ ଦେଖି । ବ୍ୟକ୍ତି ଜଣକ ଏମିତି କିଛି କଲେ ଯାହାକୁ ଦେଖି ଠକର ହୋସ ଉଡିଗଲା । ଶେଷରେ ଫଷାନ କାଟିବାକୁ ବାଧ୍ୟ ହେଲା । ବାସ୍ତବରେ ବ୍ୟକ୍ତି ଜଣକ ଏକ ଭିଡିଓ ସ୍କାମ କଲରେ ନିଜେ ନଆସି କୁକୁରକୁ ସାମ୍ନାରେ ବସାଇଥିଲେ । ଏବଂ ଏହି ମାଧ୍ୟମରେ ସେ ଠକ ସହିତ କଥାବାର୍ତ୍ତା କରିବା ଆରମ୍ଭ କଲେ । ବାରମ୍ବାର ସ୍କାମର ଜଣକ ତାଙ୍କୁ କ୍ୟାମେରା ସାମ୍ନାକୁ ଆସିବାକୁ ଅନୁରୋଧ କରୁଥିଲେ ମଧ୍ୟ ବ୍ୟକ୍ତି ଜଣକ ମଜାଳିଆ ଅନ୍ଦାଜରେ ନିଜ ନଆସି କୁକୁର ସହିତ କଥାବାର୍ତ୍ତା କରିବାକୁ ସ୍କାମରକୁ କହିଥିଲେ ।  ଶେଷରେ ସ୍କାମର ଜଣକ ନିଜ ହସକୁ ରୋକିନପାରି ଫୋନକୁ କାଟିଦେଇଥିଲେ ।

https://www.instagram.com/p/DDunffjBAZ5/?utm_source=ig_embed&utm_campaign=embed_video_watch_again

ଏହି ମଜେଦାର ଭିଡିଓ ଇନଷ୍ଟାଗ୍ରାମରେ ଘୁରି ବୁଲୁଛି । ଯାହାର କ୍ୟାପସନ ଲେଖାଯାଇଛି ମୁମ୍ବାଇ ପୋଲିସ ହେବାକୁ ଚେଷ୍ଟା କରୁଥିଲା କିନ୍ତୁ ପ୍ଲାନ ଫ୍ଲପ ହୋଇଗଲା । ଏହି ଭିଡିଓ ସୋସିଆଲ ମିଡିଆରେ ଲୋକପ୍ରିୟତା ସାଉଁଟିଛି ।