ନିର୍ବାଚନ ଆସିଲେ ଓଡ଼ିଶାକୁ ଆସନ୍ତି ପଲିଟିପାଲ ଟୁରିଷ୍ଟ: ନବୀନ

ଭୁବନେଶ୍ବର: କେନ୍ଦ୍ରୀୟ ବିଜେପି ନେତାଙ୍କୁ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ କଡା ସମାଲୋଚନା । ବିଜେପିର କେନ୍ଦ୍ରୀୟ ନେତାଙ୍କୁ ପଲିଟିକାଲ ଟୁରିଷ୍ଟ କହି ଆକ୍ଷେପ କରିଛନ୍ତି ନବୀନ । ଜାତୀୟ ନ୍ୟୁଜ ସରବରାହ ସଂସ୍ଥା ପିଟିଆଇକୁ ସାକ୍ଷାତାକାର ଦେଇ ଏମିତି ଟିପ୍ପଣୀ କରିଛନ୍ତି ନବୀନ ।

ସେ କହିଛନ୍ତି, ନିର୍ବାଚନ ବେଳେ ଓଡ଼ିଶାକୁ ଆସନ୍ତି ପଲିଟିକାଲ ଟୁରିଷ୍ଟ । ବିଜେପିର ବହୁ ମୁଖ୍ଯମନ୍ତ୍ରୀ ଓ କେନ୍ଦ୍ରମନ୍ତ୍ରୀ ଓଡ଼ିଶାକୁ ପର୍ଯ୍ୟଟକ ଭଳି ଆସିଥାନ୍ତି । ହେଲେ ନିର୍ବାଚନ ପରେ ସେମାନେ ଦେଖାଯାଆନ୍ତି ନାହିଁ ।

ଆଗକୁ ସେ କହିଛନ୍ତି, ବିଜେପିର କେନ୍ଦ୍ରୀୟ ନେତାଙ୍କ ଗସ୍ତ ଓଡ଼ିଶାରେ କୌଣସି ପ୍ରଭାବ ପକାଇବନି । ଅନେକ ବିଜେପି ନେତା ଅଶାଳୀନ ଭାଷା ବ୍ଯବହାର କରୁଛନ୍ତି । ଯାହାକି ଦୁର୍ଭାଗ୍ଯଜନକ । କିନ୍ତୁ ଏଥିରେ ମୁଁ ବିଶ୍ବାସ କରେନି । ବିଜେପିର ଏଭଳି ଭାଷାକୁ ରାଜ୍ଯବାସୀ ପସନ୍ଦ କରନ୍ତିନି କି ପ୍ରଶ୍ରୟ ବି ଦିଅନ୍ତିନି ।