ବିଭିନ୍ନ ରାଜନୈତିକ ଦଳ ପକ୍ଷରୁ ୭୪ ତମ ସ୍ୱାଧୀନତା ଦିବସ ପାଳିତ

ଭୁବନେଶ୍ୱର: ଭାରତ ଆଜି ୭୪ ତମ ସ୍ୱାଧୀନତା ଦିବସ ପାଳନ କରୁଛି । ପଲ୍ଲିରୁ ଦିଲ୍ଲୀ ଚାରିଆଡ଼ି ଗୋଟିଏ ସ୍ୱର ଦେଶ ଭକ୍ତିର । ଆଉ ତିନୋଟି ରଙ୍ଗ ସେ ହେଉଛି ତ୍ରିରଙ୍ଗାର ।   ଯଦିଓ କରୋନା କାରଣରୁ  ଉତ୍ସବ ଫିକା ପଡିଛି ତଥାପି ଉତ୍ସାହ କମିନାହିଁ । ଆଜିର ଦିନରେ ଦେଶବାସୀ ମନେ ପକାଉଛନ୍ତି ସହିଦ ଯବାନ ଓ ସ୍ୱତନ୍ତ୍ରତା ସଂଗ୍ରାମୀଙ୍କୁ ।  କୁ । ଏନେଇ ଆଜି ଦିଲ୍ଲୀର ଲାଲକିଲ୍ଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପତାକା ଉତ୍ତଳନ କରିଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭୁବନେଶ୍ୱର ପଦର୍ଶନୀ ପଡ଼ିଆରେ ପତାକା ଉତ୍ତଳନ କରିଛନ୍ତି ।

ସେହିଭଳି ବିଭିନ୍ନ ରାଜନୈତିକ ଦଳ ପକ୍ଷରୁ ମଧ୍ୟ ଆଜି ସ୍ୱାଧିନତା ଦିବସକୁ ପାଳନ କରାଯାଇଛି । ଏହି  ଅବସରେ ଆଜି ବିଜେଡି କାର୍ଯ୍ୟାଳୟରେ ସ୍ୱାଧିନତା ଦିବସ ପାଳିତ ହୋଇଯାଇଛି  । ଏଥିରେ ବରିଷ୍ଠ ନେତାମାନେ ଉପସ୍ଥିତି ରହିବା ସହ ପତାକା ଉତ୍ତୋଳନ କରି ସହିଦ ବୀରମାନଙ୍କୁ ମନେପକାଇଛନ୍ତି ।

ଅନ୍ୟପଟେ ଭୁବନେଶ୍ୱର ବାପୁଜୀନଗର ବ୍ୟବସାୟୀ ସଂଘ, ବିଏମସି କାର୍ଯ୍ୟାଳୟ ଓ କଂଗ୍ରେସ ଭବନରେ କଂଗ୍ରେସ ପକ୍ଷରୁ ୭୪ତମ ସ୍ୱାଧୀନତା ଦିବସ ପାଳନ କରାଯାଇଥିବା ବେଳେ ବିଜେପି ରାଜ୍ୟ କାର୍ଯ୍ୟାଳୟରେ ୭୪ ତମ ସ୍ୱାଧୀନତା ଦିବସ ପାଳିନ କରାଯାଇଛି । ତେବେ ଏହି ଅବସରରେ କଂଗ୍ରେସର ରାଜ୍ୟ କାର୍ଯ୍ୟାଳୟରେ ବହୁ ବରିଷ୍ଠ ନେତା ଉପସ୍ଥିତ ଥିଲେ  ।