କିଲର୍ ଅଫତାବଙ୍କୁ ପୋଲିସ ପଚାରିବ ୪୦ ପ୍ରଶ୍ନ

1 min read

ଦିଲ୍ଲୀ: ଶ୍ରଦ୍ଧା ଓ୍ବାକର ହତ୍ୟା ମାମଲାରେ ଗିରଫ ଅଫତାବ ପୁନାଓ୍ବାଲାର ହେବ ନାର୍କୋଟେଷ୍ଟ । ଏଥିପାଇଁ ପୋଲିସ ପ୍ରସ୍ତୁତ କରିଛି ୪୦ ପ୍ରଶ୍ନ । ଆସନ୍ତାକାଲି ହୋଇପାରେ ନାର୍କୋଟେଷ୍ଟ ।

ଶ୍ରଦ୍ଧା ଓ୍ବାକରଙ୍କୁ ତୁମେ ଜାଣିଛ କି ? ସେ ତୁମର ଗର୍ଲଫ୍ରେଣ୍ଡ କି ? ମୁମ୍ବାଇ ଛାଡ଼ିବା ପରେ ତୁମେ ଦୁହେଁ କେଉଁଠିକି ଯାଇଥିଲ ? ତୁମେ ଦୁହେଁ କାହିଁକି ହଠାତ୍ ଦିଲ୍ଲୀ ଚାଲିଗଲ ? ତୁମେ ଶ୍ରଦ୍ଧାଙ୍କ ସହ ରିଲେସନରେ ରହିଥିଲ କି ? ତୁମେ ଶ୍ରଦ୍ଧାଙ୍କୁ ଭଲ ପାଅ କି ? ତୁମ ଦୁହିଁଙ୍କ ମଧ୍ୟରେ କଳି ଲାଗୁଥିବା ସହ ତୁମେ ଶ୍ରଦ୍ଧାଙ୍କୁ ମାଡ଼ ମାରୁଥିଲ କି ? ଶେଷ ଥର ଲାଗି ତୁମେ ଶ୍ରଦ୍ଧାଙ୍କୁ କେଉଁଠାରେ ଦେଖିଥିଲ ? ବର୍ତ୍ତମାନ ଶ୍ରଦ୍ଧା କେଉଁଠି ରହୁଛନ୍ତି ? ତୁମେ ଶ୍ରଦ୍ଧାଙ୍କୁ ହତ୍ୟା କରିଛ କି ?

ତୁମେ ଶ୍ରଦ୍ଧାଙ୍କୁ କେତେବେଳେ ଓ କାହିଁକି ହତ୍ୟା କଲ ? ତୁମେ କିପରି ଶ୍ରଦ୍ଧାଙ୍କୁ ହତ୍ୟା କଲ ? ତୁମେ ତାଙ୍କର ଗଳା ଚିପି ହତ୍ୟା କରିଛ କି ? ତୁମେ ଶ୍ରଦ୍ଧାଙ୍କ ଶରୀରକୁ ଖଣ୍ଡଖଣ୍ଡ କାଟିଛ କି ? କାଟିବା ପରେ ଶରୀର ଅଂଶଗୁଡିକ କେଉଁଠି ଫୋପାଡ଼ିଛ ? ଶରୀର ଅଂଶ ଫିଙ୍ଗିବା ଲାଗି ତୁମେ କେତେ ଥର ସହରରେ ଘୂରିଛ ? ତୁମେ ଡ୍ରଗ୍ସ ସେବନ କରୁଛ କି ? ତୁମେ ଗଞ୍ଜେଇ ସେବନ କରୁଛ କି ? ହତ୍ୟାକାଣ୍ଡ ଦିନ ତୁମେ ନିଶା ସେବନ କରିଥିଲ କି ? ଶ୍ରଦ୍ଧାଙ୍କୁ ହତ୍ୟା କରିବା ପୂର୍ବରୁ ତାଙ୍କୁ ନିଶା ଦେଇଥିଲ କି ?

ତୁମେ ଶ୍ରଦ୍ଧାଙ୍କୁ ମିସ୍ କରୁଛ କି ? ତୁମେ ନିଜକୁ ଦୋଷୀ ମଣୁଛ କି ? ହତ୍ୟା ପରେ ତୁମେ କିପରି ସେ ସବୁ ସଫା କଲ ? ଶ୍ରଦ୍ଧାଙ୍କ ହତ୍ୟା ପରେ ତୁମେ କେତେଜଣ ମହିଳାଙ୍କ ସହ ଡେଟିଂ କରିଥିଲ ? ଏହି ସବୁ ପ୍ରଶ୍ନର ଉତ୍ତର ପାଇବାକୁ ଆଶା ରଖିଛି ଦିଲ୍ଲୀ ପୋଲିସ । ନାର୍କୋଟେଷ୍ଟ ବେଳେ ଅଫତାବ ନିକଟରେ ମନସ୍ତତ୍ତ୍ବବିତ୍ ଉପସ୍ଥିତ ରହିବେ । ତେଣେ  ପୋଲିସର ବିଭିନ୍ନ ଟିମ୍ ଦିଲ୍ଲୀ, ମୁମ୍ବାଇ, ଗୁରୁଗ୍ରାମ, ଡେରାଡୁନ, ହିମାଚଳ ପ୍ରଦେଶ ଆଦି ସ୍ଥାନ ଗସ୍ତ କରି ପ୍ରମାଣ ସାଉଣ୍ଟିବାରେ ଲାଗିଛି ।

ଜେରାବେଳେ ଅଫତାବ ଅତି ସ୍ବଷ୍ଟ ଓ ନିର୍ଭୀକ ଭାବେ ବାରମ୍ବାର କଥା ବଦଳାଉଥିବାରୁ ଅଡୁଆରେ ପଡିଥିଲା ପୋଲିସ । ସେପଟେ ପୋଲିସ ସର୍ଚ୍ଚ ବେଳେ ପଛଗୋଡର ଏକ ଅସ୍ଥି ଓ ନି-କ୍ୟାପ ପାଇଛି । ଏହି ଦୁଇଟି ଜିନିଷକୁ ଫରେନସିକ ଯାଞ୍ଚ ଲାଗି ପଠାଯାଇଛି । ଶରୀର କାଟିବାରେ ବ୍ୟବହୃତ ଅସ୍ତ୍ରର ସନ୍ଧାନ ଲାଗି ପୋଲିସ ମେଟାଲ ଡିଟେକ୍ଟର ବ୍ୟବହାର କରୁଛି । ତେଣେ ମୁମ୍ବାଇ ଭାସାଇରେ ବିରୋଧ ହେବାରୁ ଏକ ହିନ୍ଦୁ-ମୁସଲିମ ନବଦମ୍ପତିଙ୍କ ରିସେପସନ ବାତିଲ କରି ଦିଆଯାଇଛି ।