ଭୁବନେଶ୍ୱର: ପେଶାଦାର ଅପରାଧୀଙ୍କ ବିରୋଧରେ ଓଡ଼ିଶା ପୋଲିସର ଜିରୋ ଟଲରାନ୍ସ। ଜାମିନ ବିହୀନ ଗିରଫ ପରୱାନା ଜାରି ହେବା ସତ୍ତ୍ୱେ ଖୁଲାମଖୁଲା ବୁଲୁଥିବା ଅପରାଧୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନେଇଛି ଓଡ଼ିଶା ପୋଲିସ। ଗତ ୧୬ ତାରିଖରୁ ୨୫ ତାରିଖ ମଧ୍ୟରେ ଆରମ୍ଭ ହୋଇଥିବା ସ୍ପେଶାଲ ଡ୍ରାଇଭରେ କୋର୍ଟ ନିର୍ଦ୍ଦେଶ ମୁତାବକ ୪୯୪୫ ଜଣଙ୍କୁ ଗିରଫ କରାଯାଇଥିବା ସୂଚନା ଦେଇଛନ୍ତି ପୋଲିସ ଡିଜି ଶ୍ରୀ ଅଭୟ।
ସେସନ୍ସ ଟ୍ରାଏଲ କେସ ରେ ୪୬୭, ଜିଆର କେସରେ ୩୫୧୭ ଓ ଅନ୍ୟାନ୍ୟ କେସ ରେ ୯୬୧ ଜଣଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଛି । ଗଞ୍ଜାମ ଜିଲ୍ଲାରୁ ସର୍ବାଧିକ ୮୫୦ ଜଣଙ୍କୁ ଗିରଫ କରାଯାଇଛି । ଏହାପରେ ବାଲେଶ୍ଵରରୁ ୬୪୫ ଓ ଖୋର୍ଦ୍ଧା ରୁ ୫୪୭ ଜଣଙ୍କୁ ଗିରଫ କରାଯାଇଥିବା ସୂଚନା ଦେଇଛନ୍ତି ଡିଜିପି।
