ଜୁଇ ନିଆଁରୁ ଅର୍ଦ୍ଧଦଗ୍ଧ ଶବ ଜବତ କଲା ପୋଲିସ

Police Seized Half Brunt Dead body In Karanjia

କରଞ୍ଜିଆ: ଶ୍ମଶାନରୁ ଅର୍ଦ୍ଧଦଗ୍ଧ ଶବ ଜବତ । ଜୁଇ ନିଆଁରୁ ଶବକୁ ଜବତ କଲା ରରୁଆଁ ଥାନା ପୋଲିସ । ଦମକଳ ବାହିନୀ ସହାୟତାରେ ଜୁଇ ନିଆଁ ଲିଭାଇବା ପରେ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ପୋଲିସ । ଏଭଳି ଘଟଣା ମୟୂରଭଞ୍ଜ ଜିଲ୍ଲା ରରୁଆଁ ଥାନା ଖାପରାସାହିରେ ଦେଖିବାକୁ ମିଳିଛି । ଜୁଇ ନିଆଁରୁ ଅର୍ଦ୍ଧଦଗ୍ଧ ଶବ ଜବତ ହେବା ଘଟଣାକୁ ନେଇ ଜିଲ୍ଲାରେ ଚର୍ଚ୍ଚା ସୃଷ୍ଟି ହୋଇଛି ।

Police Seized Half Brunt Dead body In Karanjia

ସୂଚନା ଅନୁଯାୟୀ ୪୭ ବର୍ଷୀୟ ମୃତ ଉଜ୍ଜ୍ୱଳ ଗାଗରାଇ ବୁଧବାର କାମରେ କେଉଁଆଡ଼େ ଯାଇଥିଲେ । ସନ୍ଧ୍ୟାରେ ୨ ଜଣ ଯୁବକ ଉଜ୍ଜ୍ୱଳଙ୍କୁ ଘରେ ଆଣି ବାଇକରେ ଛାଡ଼ିଥିଲେ । ହେଲେ ସକାଳୁକୁ ଜୀବିତ ନଥିଲେ ଉଜ୍ଜ୍ୱଳ । ତାଙ୍କର ଅସ୍ୱାଭାବିକ ମୃତ୍ୟୁ ହୋଇଥିଲା । ପରେ ସାହି ଭାଇ ମିଶି ଶବ ସତ୍କାର ପାଇଁ ଶ୍ମଶାନ ନେଇଥିଲେ, ଜୁଇ ଜଳିଥିଲା ।

Police Seized Half Brunt Dead body In Karanjia

ଗାଁର କେହି ଜଣେ ବ୍ୟକ୍ତି ସନ୍ଦେହ ପ୍ରକଟ କରି ପୋଲିସକୁ ଖବର ଦେଇଥିଲେ । ପୋଲିସ ଓ ଦମକଳ ବାହିନୀ ପହଞ୍ଚିବା ସହ ଜୁଇ ନିଆଁ ଲିଭାଇଥିଲେ । ପରେ ଅର୍ଦ୍ଧଦଗ୍ଧ ଶବକୁ ବ୍ୟବଚ୍ଛେଦ ପାଇଁ ପୋଲିସ ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁ କରିଛି । ଅନ୍ୟପଟେ ପୁଅ କେମିତି ମଲା ମାଆ ମଧ୍ୟ ଜାଣିନାହାଁନ୍ତି ।

Leave a Reply

Your email address will not be published.