ଏକ୍ସପାୟାର ରଙ୍ଗ ଉପରେ ପୋଲିସର ଚଢାଉ

ଭୁବନେଶ୍ୱର: ଏକ୍ସପାୟାର ରଙ୍ଗ ଉପରେ ପୋଲିସର ଚଢାଉ । ବାରଙ୍ଗ ଥାନା ଅଞ୍ଚଳରେ ଥିବା ସମସ୍ତ ହୋଲି ରଙ୍ଗ ଦୋକନ ଉପରେ ଚଢାଉ କରିଛି ପୋଲିସ୍ । ବାରଙ୍ଗ ପୋଲିସର ଦୁଇଟି ଟିମ୍ ସଂଧ୍ୟାରେ ବିଭିନ୍ନ ରଙ୍ଗ ଦୋକାନ ଉପରେ ଚଢାଉ କରିଥିଲେ । ଦୋକାନରେ ଥିବା ରଙ୍ଗଗୁଡିକୁ ଯାଞ୍ଚ କରିବା ସହ ଏକ୍ସପାୟାର ରଙ୍ଗକୁ ଜବତ କରିଥିଲେ । ଏଭଳି ଏକ୍ସପାୟାର ରଙ୍ଗ ସ୍ୱାସ୍ଥ୍ୟ ପ୍ରତି ହାନି କାରକ ତେଣୁ ଏହି ରଙ୍ଗ ବିକ୍ରି ନବିକିବାକୁ ଦୋକାନୀ ମାନଙ୍କୁ ତାଗିତ କରିଛି ପୋଲିସ । ଆସନ୍ତାକାଲି ଦୋଳ ପୂର୍ଣ୍ଣମା ।

ଏହାପରେ ଶନିବାର ପାଳିତ ହେବ ରଙ୍ଗର ପର୍ବ ହୋଲି । ଏଥିପାଇଁ ଦୋକାନ, ବଜାର ଓ ରାସ୍ତାକଡରେ ଖୋଲିଛି ରଙ୍ଗର ପସରା । ପ୍ରାକୃତିକ ଓ ରସାୟନିକ ରଙ୍ଗ ବିକ୍ରି କରୁଛନ୍ତି ଦୋକାନୀ । ତେବେ କିଛି ବ୍ୟବସାୟୀ ଏକ୍ସପାୟାର ରଙ୍ଗ ବିକ୍ରି କରୁଥିବା ଅଭିଯୋଗ ପରେ ପୋଲିସ ଚଢାଉ କରିଥିଲା । ଏଭଳି ଏକ୍ସପାୟାର ରଙ୍ଗ ବିକ୍ରି କଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବାରଙ୍ଗ ଥାନା ଅଧିକାରୀ କହିଛନ୍ତି ।