ସଟର ତଳେ ଜୁଆ ଆଡ୍ଡା, ମାଡ଼ି ବସିଲା ପୋଲିସ

ଭୁବନେଶ୍ୱର: ଲକ୍ଷ୍ମୀସାଗର ଥାନା ଅଞ୍ଚଳର ଏକ ହୋଟେଲରୁ ଜୁଆ ଆଡ୍ଡା ଠାବ ହୋଇଛି । ସଟଡାଉନରେ ସଟର ତଳେ ଚାଲିଥିଲା ଜୁଆ ଆଡ୍ଡା । ହୋଟେଲରେ ଏକ ରୁମରେ ଜୁଆ ଆଡ୍ଡା ଚାଲିଥିବା ବେଳେ ରେଡ୍ ମାରିଛି ଲକ୍ଷ୍ମୀସାଗର ଥାନା ପୋଲିସ । ଘଟଣାରେ ତେର ଜଣ ପୁରୁଷଙ୍କୁ ଗିରଫ କରାଯାଇଥିବା ସୂଚନା ମିଳିଛି  ।

ସେପଟେ ଏହି ଘଟଣାରେ  ୩ଜଣ ଯୁବତୀଙ୍କୁ ଅଟକ ରଖିଛି ପୋଲିସ । ସେମାନଙ୍କ ଠାରୁ ଲକ୍ଷାଧିକ ଟଙ୍କା ଜବତ କରିଛି ପୋଲିସ । ଶନିବାର ହେତୁ ରାଜଧାନୀରେ ସଟଡାଉନ ଲାଗୁ ହୋଇଥିଲା  । ଏହାସ୍ୱତେ ପୋଲିସର କଡ଼ା ପ୍ରହରା ଫଳରେ ମଧ୍ୟ ରାଜଧାନୀରେ ଜୁଆ ଆଡ୍ଡା ଚାଲିଥିଲା  । ଏସମ୍ବନ୍ଧରେ ସୂଚନା ପାଇ ପୋଲିସ ରେଡ କରିଥିଲା  ।