ଜଗତପୁର ଅଞ୍ଚଳର ଏକ ନକଲି ଟାୟାର ଗୋଦାମ ଉପରେ ପୋଲିସ ଚଢାଉ

କଟକ: କଟକ ଜଗତପୁର ଅଞ୍ଚଳରେ ଥିବା ଏକ ନକଲି ଟାୟାର ଗୋଦାମ ଉପରେ ପୋଲିସ ଚଢାଉ । ବିପୁଳ ପରିମାଣର ନାମୀ କମ୍ପାନୀର ନକଲି ସାଇକେଲ ଟାୟାର ଜବତ । ଜବତ ହୋଇ ଥିବା ଟାୟାରର ଆନୁମାନିକ ବଜାର ମୂଲ୍ୟ ୫ ଲକ୍ଷ ଟଙ୍କା ହେବ। ଜଗତପୁର ଖଇରା ପୋଲ ନିକଟରେ ଥିବା ଉତ୍କଳ ଡିଷ୍ଟ୍ରିବ୍ୟୁଟର ନାମକ ଏକ ବ୍ୟବସାୟୀକ ପ୍ରତିଷ୍ଠାନରେ ଚାଲିଥିଲା ଏହି କଳାକାରବାର। ବେନାମୀ କମ୍ପାନୀର ସାଇକେଲ ଟାୟାରରେ ପ୍ରତିଷ୍ଠିତ କମ୍ପାନୀର ଲେବଲ୍ ଓ ଷ୍ଟିକର ଲଗାଇ ବିକ୍ରି ପାଇଁ ବଜାରକୁ ଛଡ଼ା ଯାଉଥିଲା । ବିଶେଷ କରି ହିନ୍ଦୁସ୍ଥାନ ଟାୟାର କମ୍ପାନୀ ନାମକୁ ବ୍ୟବହାର କରି ଏହି ନକଲି ଟାୟାର ବିକ୍ରି ହେଉଥିବା ଅଭିଯୋଗ ହେବା ପରେ ଗୋଦାମ ସିଲ୍ କରିବା ସହ ମାଲିକଙ୍କୁ ଅଟକ ରଖିଛି ଜଗତପୁର ଥାନା ପୋଲିସ୍ ।

ସେପଟେ ଏହା ନକଲି ନୁହେଁ ବରଂ ଶସ୍ତା ଟାୟାର ବୋଲି ସଫେଇ ଦେଇଛନ୍ତି ଅଟକ ଥିବା ବ୍ୟବସାୟୀ।