ଆଜି ସକାଳୁ ସମ୍ବଲପୁର ମଣ୍ଡଳ ଜେଲରେ ପୋଲିସର ଅଚାନକ ଚଢାଉ

ସମ୍ବଲପୁର: ମଣ୍ଡଳ ଜେଲରେ ପୋଲିସର ଅଚାନକ ଚଢାଉ। ନିଶାଦ୍ରବ୍ୟ ବିଡି, ଗଂଜେଇ, ଖଇନି ତଥା ମାଦକ ଦ୍ରବ୍ଯ ଯାଂଚ ପାଇଁ ଏହି ଚଢାଉ ହୋଇଛି | ଚଢାଉରେ ସ୍ଥାନୀୟ ସମସ୍ତ ଥାନାର ଅଧିକାରୀ, ଉଚ୍ଚପଦସ୍ଥ ଅଧିକାରୀ ସମେତ ପୋଲିସ ଫୋର୍ସ ସାମିଲ ହୋଇଛନ୍ତି।ଚଢାଉରେ ବ୍ଯାପକ ପରିମାଣର ମାଦକ ଦ୍ରବ୍ଯ ଜବତ କରିଛି ପୋଲିସ। ଭୋର୍ ସକାଳୁ ଚାଲିଛି ଏହି ରେଡ୍ ।

ଏହା ପୂର୍ବରୁ ବଲାଙ୍ଗୀରରେ ଗ୍ଯାଙ୍ଗୱାର ଖବର ପ୍ରକାଶ ପରେ ସକାଳ ସାଢେ ୬ଟାରୁ  ଏସପି ଋଷିକେଶ ଖିଲାରୀଙ୍କ ନେତୃତ୍ବରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଚଢାଉ ହୋଇଥିଲା । ରେଡରେ ୨ ପ୍ଲାଟୁନ ଫୋର୍ସ ଓ ୯ ଜଣ ଅଧିକାରୀ ସାମିଲ ହୋଇଥିଲେ । ଜେଲରୁ ବିପୁଳ ପରିମାଣର ନିଶାଦ୍ରବ୍ଯ ଜବତ ହୋଇଥିଲା । ଭାଙ୍ଗ, ବିଡି, ଗଞ୍ଜେଇ ଓ ଚିଲମ ସହ ବିଭିନ୍ନ ସମାଗ୍ରୀ ଜବତ ହୋଇଥିବା ସୂଚନା ମିଳିଛି  I

ଏସପିଙ୍କ ସୂଚନା ଅନୁସାରେ, ଜେଲର ୧୨ଟି ୱାର୍ଡ ସମେତ ଡାଇନିଂ, କିଚେନ ଆଦି ସ୍ଥାନରେ ଯାଞ୍ଚ କରାଯାଇଥିଲା । ତେବେ ପ୍ରଶ୍ନ ଉଠୁଛି- ଜେଲକୁ ଏତେ ପରିମାଣର ନିଶାଦ୍ରବ୍ଯ ଚାଲାଣ ହେଉଥିଲା କେମିତି ? କଏଦୀଙ୍କୁ କିଏ ଯୋଗାଉଥିଲା ମାଦକଦ୍ରବ୍ଯ ? ଏଥିରେ ଜେଲ କର୍ତ୍ତୃପକ୍ଷଙ୍କର ସଂପୃକ୍ତି ନାହିଁ ତ ? ନିଶାକାରବାରରେ କିଛି ଜେଲ କର୍ମଚାରୀଙ୍କ ସଂପୃକ୍ତି ଥିବା ଜେଲର ସନ୍ଦେହ କରିଛନ୍ତି । ତେବେ କେମିତି ଜେଲ ଭିତରକୁ ନିଶାଦ୍ରବ୍ଯ ଯାଉଥିଲା ସେନେଇ ତଦନ୍ତ ପରେ ଜଣାପଡ଼ିବ ।