ଶିମିଳିପାଳ ଅଭୟାରଣ୍ୟ ଭିତରେ ବେଆଇନ ଅଫିମ ଚାଷ ଉପରେ ପୋଲିସର ମିଳିତ ଚଢ଼ାଉ। ଯଶିପୁର ଥାନା ଗୋପୀନାଥପୁର ଗାଁରେ ଚାଲିଥିଲା ବେଆଇନ ଅଫିମ ଚାଷ । ବିଶେଷ ସୂତ୍ରରୁ ଖବର ପାଇ ଯଶିପୁର ପୋଲିସ, ବନବିଭାଗ ଓ ଅବକାରୀ ବିଭାଗ ପକ୍ଷରୁ ମିଳିତ ଚଢ଼ାଉ କରାଯାଇଥିଲା। ଏକ ଏକରରୁ ଉର୍ଦ୍ଧ ଜାଗାରେ ହୋଇଥିବା ଦେଢ଼ କୋଟିରୁ ଅଧିକ ଟଙ୍କାର ଅଫିମ ଗଛକୁ ନଷ୍ଟ କରାଯାଇଛି । ପୂର୍ବରୁ ମଧ୍ୟ ଏଭଳି ଅଫିମ ଚାଷ ନଷ୍ଟ କରିଛି ପ୍ରଶାସନ l ଘଟଣାରେ ଯଶିପୁର ଥାନାରେ NDPS ଆଇନ ଧାରା ୧୮ ଅନୁଯାୟୀ ୧୧ ଓ ୧୨ ଦୁଇଟି ମାମଲା ରୁଜୁ କରାଯାଇଛି । ଘଟଣାର ତଦନ୍ତ ଜାରି ରହିଛି ଓ ଅବୈଧ ଅଫିମ ଚାଷ ସହିତ ଜଡିତ ଲୋକଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କରଞ୍ଜିଆ SDPO ସୂଚନା ଦେଇଛନ୍ତି।
