ଠକ ଡାକ୍ତରଙ୍କ ଗାଁ ରେ ପୋଲିସ, ଗୁପ୍ତ କୋଠରୀରେ ଛାନଭିନ୍

କେନ୍ଦ୍ରାପଡ଼ା: ଦିନକୁ ଦିନ ଫିଟୁଛି ରସିକିଆ ଠକ ଡାକ୍ତର ରମେଶ ସ୍ୱାଇଁର ଗୁମର । ପୈତୃକ ଗାଁ ଡେରାବିଶ ବ୍ଲକ ଇନ୍ଦାଳ ପଞ୍ଚାୟତ ଅଢଙ୍ଗା ସିଂଘାଳ ଗାଁରେ ଥିବା ଗୁପ୍ତ କୋଠରୀରେ ପହଞ୍ଚିଛି ପୋଲିସ । ଭଗବାନପୁରରେ ରହିଥିଲା ଏହି କୋଠରୀ । କଲିକତାରୁ ଏକ କମ୍ପାନୀଠାରୁ ଠକି ଆଣିଥିବା ଅନେକ ଦାମୀ ମେସିନ ଏଠାରେ ଲୁଚାଇଥିଲା ରମେଶ । ରମେଶଙ୍କ ଗୁପ୍ତ କୋଠରୀ ଚାବି ତାଙ୍କ ଭାଇ ଉମେଶ ସ୍ୱାଇଁ ପାଖେରେ ଥିଲେ ମଧ୍ୟ ସେ ନଦେବାରୁ ବାଧ୍ୟ ହୋଇ କୋଠାରି ତାଲା ଭାଙ୍ଗିଥିଲା ପୋଲିସ । ପରେ ସେଠାରୁ ସମସ୍ତ ଜିନିଷକୁ ଉଦ୍ଧାର କରିଛି ପୋଲିସ ।

ଘଟଣାସ୍ଥଳକୁ ଠକାମିର ଶିକାର ହୋଇଥିବା କମ୍ପାନୀର କର୍ମଚାରୀ ପହଞ୍ଚି ଜିନିଷକୁ ଚି଼ହ୍ନଟ କରିଥିଲେ । ତେବେ ସମସ୍ତ ଘଟଣାରେ ଭାଇର ବି ସମ୍ପୃକ୍ତି ଥିବା ଜାଣିବାକୁ ପାଇଛି ପୋଲିସ । ସେପଟେ ଠକେଇ ସିଣ୍ଡିକେଟରେ ଭଉଣୀ, ଭେଣୋଇ ଓ ଭାଇ ସାମିଲ ଥିବା ପଦାକୁ ଆସିବା ପରେ ଗାଁରେ ପହଞ୍ଚି ରମେଶ ଙ୍କ ମା’ ଗୌରୀ ସ୍ବାଇଁକୁ ବି ନଚରା ଉଚରା କରିଛି ଭୁବନେଶ୍ବର ମହିଳାଥାନା ପୋଲିସ । ସେପଟେ ପରବର୍ତୀ ମୁହୂର୍ତ୍ତ ରେ ରମେସ ଙ୍କ ପ୍ରଥମେ ଶଶୁର ଘର ଛାକନାରେ ମଧ୍ୟ ତଦନ୍ତ ପାଇଁ ପୋଲିସ ଆସିବାର ଯଥେଷ୍ଟ ସମ୍ଭାବନା ଅଛି  ।