ଜଷ୍ଟିସ ଯଶବନ୍ତ ବର୍ମାଙ୍କ ଘରୁ ଟଙ୍କା ଜବତ ଘଟଣା ; ଅନ୍ୟ ହାଇକୋର୍ଟକୁ ବଦଳିକୁ ଓକିଲ ସଂଘର ବିରୋଧ

ନୂଆଦିଲ୍ଲୀ : ଦିଲ୍ଲୀ ହାଇକୋର୍ଟ ଜଷ୍ଟିସ ଯଶବନ୍ତ ବର୍ମାଙ୍କ ଘରୁ ବିପୁଳ ପରିମାଣର ଟଙ୍କା ଜବତ ଘଟଣା। ବିଚାରପତିଙ୍କ ଅନ୍ୟ ହାଇକୋର୍ଟଙ୍କୁ ବଦଳି ନିଷ୍ପତ୍ତି ନେଇ ପୁନର୍ବିଚାର କରିବ ସୁପ୍ରିମକୋର୍ଟ। ସର୍ବୋଚ୍ଚ ନ୍ୟାୟାଳୟ ପ୍ରଧାନ ବିଚାରପତି ଜଷ୍ଟିସ ସଂଜୀବ ଖାନ୍ନାଙ୍କ ନିକଟରେ ୬ ଓକିଲ ସଂଘର ଅଧ୍ୟକ୍ଷ ସାକ୍ଷାତ କରିଥିଲେ। ଏହାପରେ ଦିଲ୍ଲୀ ହାଇକୋର୍ଟ ଜଷ୍ଟିସ ଯଶବନ୍ତ ବର୍ମାଙ୍କ ବଦଳିକୁ ପ୍ରତ୍ଯାହାର କରିବା ପରେ ବିଚାର କରିବେ ବୋଲି ଆଶ୍ଵାସନା ଦେଇଛନ୍ତି। ଗତ ୧୪ ମାର୍ଚ୍ଚରେ ଘଟିଥିଲା ଅଗ୍ନିକାଣ୍ଡ ଘଟଣା ସମୟରେ ଦିଲ୍ଲୀ ହାଇକୋର୍ଟ ବିଚାରପତି ଜଷ୍ଟିସ ଯଶବନ୍ତ ବର୍ମାଙ୍କ ଘରୁ ବିପୁଳ ପରିମାଣର ଅଧାଜଳା ଟଙ୍କା ମିଳିଥିଲା। ଏହାପରେ ସୁପ୍ରିମକୋର୍ଟ କଲେଜିୟମ ଜଷ୍ଟିସ ବର୍ମାଙ୍କୁ ଦିଲ୍ଲୀ ହାଇକୋର୍ଟରୁ ଆହ୍ଲାବାଦ ହାଇକୋର୍ଟକୁ ବଦଳି ନେଇ ନିଷ୍ପତ୍ତି ନେଇଥିଲା। ତେବେ ଏହାକୁ ନେଇ ବିଭିନ୍ନ ଓକିଲ ସଂଘ ପକ୍ଷରୁ ଆନ୍ଦୋଳନ କରାଯାଇଥିଲା। ଦୁର୍ନୀତି ଅଭିଯୋଗ ଥିବା ବିଚାରପତିଙ୍କୁ ଓକିଲ ସଂଘ ଗ୍ରହଣ କରିବ ନାହିଁ ବୋଲି କହିଥିଲେ ବିଭିନ୍ନ ଓକିଲ ସଂଘ।

ଆହ୍ଲାବାଦ ବାର ଆସୋସିଏସନ ସୁପ୍ରିମକୋର୍ଟ କଲେଜିୟମର ନିଷ୍ପତ୍ତିର ପ୍ରତିବାଦ କରି ଅନିର୍ଦ୍ଦିଷ୍ଟ କାଳ ପାଇଁ ଧର୍ମଘଟ ଆରମ୍ଭ କରିଥିଲା। ଦୁର୍ନୀତି ଅଭିଯୋଗର ସମ୍ମୁଖୀନ ହେଉଥିବା ବିଚାରପତିମାନଙ୍କୁ ଏହା ସହ୍ୟ କରିବ ନାହିଁ ବୋଲି ଓକିଲ ସଂଘ କହିଥିଲା। ପ୍ରଧାନ ବିଚାରପତିଙ୍କ ପ୍ରତିଶ୍ରୁତି ପରେ ବାର ସଂଗଠନ କହିଛି ଯେ ଏହା ଧର୍ମଘଟ ଜାରି ରଖିବା ବିଷୟରେ ପୁନର୍ବିଚାର କରିବ। CJI ଙ୍କୁ ଦିଆଯାଇଥିବା ସ୍ମାରକପତ୍ରରେ, ବାର ସଂଗଠନଗୁଡ଼ିକ କହିଛନ୍ତି ଯେ ନ୍ୟାୟପାଳିକାରୁ ଦୁର୍ନୀତି ଦୂର କରାଯିବା ଆବଶ୍ୟକ ଏବଂ ଏହି ମାମଲାରେ ଫୌଜଦାରୀ ଆଇନ ଲାଗୁ କରିବାକୁ CJI ଙ୍କୁ ଅନୁରୋଧ କରିଛନ୍ତି