ଲୋୟର ପିଏମଜିରେ ଯୁବକଙ୍କୁ ହତ୍ୟା ଘଟଣାରେ କାର୍ଯ୍ୟାନୁଷ୍ଠାନ, ୨ ଅଭିଯୁକ୍ତଙ୍କୁ ଅଟକ ରଖିଛି ପୋଲିସ

ଭୁବନେଶ୍ୱର: ଲୋୟର ପିଏମଜିରେ ବବଲୁ ବେହେରାଙ୍କୁ ହତ୍ୟା ଘଟଣାରେ କାର୍ଯ୍ୟାନୁଷ୍ଠାନ । ଏହି ହତ୍ୟା ଘଟଣାରେ ୨ ଅଭିଯୁକ୍ତଙ୍କୁ ଅଟକ ରଖିଛି ପୋଲିସ । ଖାରବେଳନଗର ଥାନା ପୋଲିସ ୨ ଅଭିଯୁକ୍ତଙ୍କୁ ଅଟକ ରଖି ପଚରାଉଚରା କରୁଛି । ଗତକାଲି ରକ୍ତ ଜୁଡୁବୁଡୁ ଅବସ୍ଥାରେ ବବଲୁ ବେହେରାଙ୍କ ମୃତଦେହ ଉଦ୍ଧାର ହୋଇଥିଲା । ୨ ଅଭିଯୁକ୍ତ ଶ୍ରମିକ ଶ୍ରେଣୀର ହୋଇଥିବା ଭୁବନେଶ୍ୱର ଡିସିପି ସୂଚନା ଦେଇଛନ୍ତି । ସାମାନ୍ୟ ବଚସାରୁ ଏହି ହତ୍ୟାକାଣ୍ଡ ହୋଇଥିଲା ବୋଲି ସୂଚନା ଦେଇଛନ୍ତି ଭୁବନେଶ୍ୱର ଡିସିପି । ୨ ଦିନ ପୂର୍ବରୁ ୨ ଅଭିଯୁକ୍ତଙ୍କ ସହ ମୃତ ବବୁଲର ଝଗଡା ହୋଇଥିଲା । ଝଗଡ଼ା କାରଣରୁ ଗତକାଲି ସକାଳୁ ଲୋୟର ପିଏମଜି ଅଫିସ ନିକଟରୁ ବବଲୁର ମୃତଦେହ ଜବତ କରିଥିଲା ପୋଲିସ । ବବଲୁଙ୍କ ମୃତଦେହ ଜବତ କରିବା ସହ ବବଲୁଙ୍କ ସ୍ତ୍ରୀଙ୍କୁ ଗୁରୁତର ଅବସ୍ଥାରେ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି ।