ଶୁଭଶ୍ରୀ ମୃତ୍ୟୁ ମାମଲା: ପୋଲିସ ହାତରେ ଠୋସ୍ ପ୍ରମାଣ

ଭୁବନେଶ୍ବର: ଶାସ୍ତ୍ରୀନଗର ଶୁଭଶ୍ରୀ ମହାପାତ୍ର ମୃତ୍ୟୁ ମାମଲାରେ ପୋଲିସ ହାତରେ ଲାଗିଛି ଠୋସ ପ୍ରମାଣ । ଏହି ପ୍ରମାଣ ଆଧାରରେ ପୋଲିସ ଜଣଙ୍କୁ ଅଟକ ରଖି ପଚରାଉଚରା କରୁଛି । କଲ୍ ଡିଟେଲ୍ସ ଅନୁଧ୍ୟାନ ପରେ ସାମନାକୁ ଆସିଛି ସାଂଘାତିକ ତଥ୍ୟ । ମୃତ୍ୟୁ ପୂର୍ବରୁ ସଂପୃକ୍ତ ଯୁବକଙ୍କୁ ଶେଷ କଲ୍ କରିଥିଲେ ଶୁଭଶ୍ରୀ । ସେହିଦିନ ହିଁ  ୭ ଥର କଲ୍ କରିଥିଲେ । ଯୁବକ ଜଣକ ଆଗରୁ ବାରମ୍ବାର ଘରକୁ ଆସୁଥିବା ଶୁଭଶ୍ରୀଙ୍କ ସ୍ବାମୀ କହିଛନ୍ତି ।

ସେପଟେ ଶୁଭଶ୍ରୀଙ୍କ ବ୍ୟବଚ୍ଛେଦ ରିପୋର୍ଟ ଆସିଛି । ଶ୍ବାସରୁଦ୍ଧ ହୋଇ ତାଙ୍କ ମୃତ୍ୟୁ ଘଟିଥିବା ରିପୋର୍ଟରୁ ସ୍ପଷ୍ଟ ହୋଇଛି । ଝୁଲନ୍ତା ଅବସ୍ଥାରେ ଶୁଭଶ୍ରୀଙ୍କ ଜୀବନ ଯାଇଛି । ହତ୍ୟା ନୁହେଁ, ଶୁଭଶ୍ରୀ ଆତ୍ମହତ୍ୟା କରିଥାଇ ପାରନ୍ତି ବୋଲି ସନ୍ଦେହ କରାଯାଉଛି । ଝୁଲନ୍ତା ଅବସ୍ଥାରେ କେହି ତାଙ୍କ ମୃତଦେହକୁ ତଳକୁ କାଢ଼ି ଥାଇପାରେ ବୋଲି ସନ୍ଦେହ କରାଯାଉଛି । ଏଫଏମଟି ଉପରିସ୍ଥ ଅଧିକାରୀଙ୍କ ସହ ଆଲୋଚନା ସରିଛି । ଶୀଘ୍ର ମୃତ୍ୟୁ ସସପେନ୍ସରୁ ପର୍ଦ୍ଦା ହଟିବ ବୋଲି ପୋଲିସ କହିଛି ।