ଗାର୍ଲଫ୍ରେଣ୍ଡ ପାଇଁ ପବ୍ ନିକଟରେ ହାଇଡ୍ରାମା ଘଟଣା, ୫ ଜଣଙ୍କୁ ଅଟକ ରଖି ପଚରାଉଚରା ପୋଲିସ

ଭୁବନେଶ୍ୱର: ଗାର୍ଲଫ୍ରେଣ୍ଡ ପାଇଁ ପବ୍‌ ନିକଟରେ ହାଇଡ୍ରାମା ଘଟଣା । ୫ ଜଣଙ୍କୁ ଅଟକ ରଖି ପଚରାଉଚରା କରୁଛି ଭୁବନେଶ୍ବର ଚନ୍ଦ୍ରଶେଖରପୁର ଥାନା ପୋଲିସ । ରାତି ଅଧରେ ହୋଟେଲ ଭିତରେ ପଶି ବ୍ୟାପକ ଭଙ୍ଗାରୁଜା କରିଥିଲେ ଦୁର୍ବୃତ୍ତ । ଚନ୍ଦ୍ରଶେଖରପୁର ଅଞ୍ଚଳରେ ରବିବାର ବିଳମ୍ବିତ ରାତିରେ ଘଟିଥିଲା ଅଘଟଣ । ଜଣେ ଯୁବତୀ ନିଜ ପ୍ରେମିକଙ୍କ ସହ ନିଶାଶକ୍ତ ଅବସ୍ଥାରେ ହୋଟେଲରେ ଥିଲେ । ଖବର ପାଇ ପୁରୁଣା ପ୍ରେମିକ ୧୦ରୁ ଉର୍ଦ୍ଧ୍ବ ଯୁବକଙ୍କୁ ସହ ସେଠାରେ ପହଞ୍ଚିଥିଲେ । ଯୁବତୀଙ୍କୁ ହୋଟେଲ ବାହାରକୁ ଡାକି ଟଣାଓଟରା କରିଥିଲେ । ହୋଟେଲ କର୍ତ୍ତୃପକ୍ଷ ବିରୋଧ କରିବାରୁ ପାର୍କିଂରେ ଥିବା ଗାଡ଼ି ଭାଙ୍ଗିଥିଲେ । ହୋଟେଲ ଷ୍ଟାଫଙ୍କୁ ମରଣାନ୍ତକ ଆକ୍ରମଣ କରିଥିବା ନେଇ ଥାନାରେ ଅଭିଯୋଗ ହୋଇଛି । ସିସିଟିଭି ଭିଜୁଆଲ ଆଧାରରେ ତଦନ୍ତ କରୁଛି ଚନ୍ଦ୍ରଶେଖରପୁର ଥାନା ପୋଲିସ । ଅନ୍ୟମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି କମିଶନରେଟ ପୋଲିସ ପକ୍ଷରୁ ସୂଚନା ଦିଆଯାଇଛି ।