ସମ୍ବଲପୁର ବୋମାମାଡ଼ ଘଟଣାରେ ପୋଲିସର ତଦନ୍ତ ଜାରି

ସମ୍ବଲପୁର: ସମ୍ବଲପୁରରେ ବୋମାମାଡ଼ ଘଟଣାର ତଦନ୍ତ କରୁଛି ପୋଲିସ। କିଏ ଓ କାହିଁକି ବୋମା ପକାଇଲା ସେନେଇ ବିଭିନ୍ନ ଦିଗରୁ ତଦନ୍ତ କରାଯାଉଛି। ଗତକାଲି ସମ୍ବଲପୁର ପୀରବାବା ଛକରେ ରାତିରେ ବୋମାମାଡ଼ ହୋଇଥିଲା। ଏକ ବୁଲେଟ୍ ଉପରକୁ ଦୁର୍ବୃତ୍ତ ବୋମା ପକାଇ ଫେରାର ହୋଇଯାଇଥିଲେ । କୌଣସି ଅପ୍ରିତିକିର ପରିସ୍ଥିତିକୁ ଏଡାଇବା ପାଇଁ ୧୦ ପ୍ଲାଟୁନ୍ ଫୋର୍ସ ମୁତୟନ କରାଯାଇଛି। ଘଟଣାସ୍ଥଳରେ ଉତ୍ତରାଞ୍ଚଳ ଡିଆଇଜି ଓ ଏସପି ପହଞ୍ଚି ତଦନ୍ତ କରିଛନ୍ତି। ଉତ୍ତ୍ଯକ୍ତ ଲୋକଙ୍କୁ ପୋଲିସ ବୁଝାସୁଝା କରିଛି।

କିଏ ଓ କାହିଁକି ବୋମାମାଡ଼ କରିଛି ସେନେଇ କୌଣସି ସୂଚନା ମିଳିପାରିନି । ବୋମାମାଡ଼ରେ ତିନି ଜଣ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ସାଇଣ୍ଟିଫିକ ଟିମ୍ ସହାୟତାରେ ପୋଲିସ ତଦନ୍ତ ଜାରି ରଖିଛି । ସହରରେ ଶାନ୍ତି ବଜାୟ ରଖିବାକୁ ଜିଲ୍ଲାପାଳ ଓ ଏସପି ଅପିଲ କରିଛନ୍ତି।