ଛାତ୍ରୀଙ୍କୁ ପ୍ରେମ ନିବେଦନ କରି ଗିରଫ ହେଲା ରୋଡ ରୋମିଓ

କେନ୍ଦୁଝର: ବନ୍ଧାହେଲା ରୋଡ ରୋମିଓ । ଛାତ୍ରୀଙ୍କୁ ପ୍ରେମ ନିବେଦନ କରି ବିଫଳ ପରେ ରାସ୍ତାରେ କରୁଥିଲା ହଇରାଣ । ଅଭିଯୋଗ ପରେ ଅଭିଯୁକ୍ତ ଯୁବକକୁ ଗିରଫ କରିଛି ପୋଲିସ । କେନ୍ଦୁଝର ଜିଲ୍ଲା ଆନନ୍ଦପୁର ଥାନା ଅଞ୍ଚଳର ଘଟଣା । ଅଭିଯୋଗ ଅନୁସାରେ ଅଭିଯୁକ୍ତ ପୁରୁଷୋତ୍ତମ ସାହୁ ଜଣେ ଛାତ୍ରୀଙ୍କୁ ଏକତରଫା ପ୍ରେମ କରୁଥିଲେ ।

ପ୍ରେମ ନିବେଦନ କରି ବିଫଳ ହେବାରୁ କଲେଜ ଯିବା ସମୟରେ ଛାତ୍ରୀଙ୍କୁ ଅପମାନିତ କରୁଥିଲେ । ଏହାଛଡ଼ା କଲେଜ ସମ୍ମୁଖରେ ଗାଳିଗୁଲଜ କରିଥିଲା ଅଭିଯୁକ୍ତ । ଏନେଇ ଥାନାରେ ଅଭିଯୋଗ ପରେ ଅଭିଯୁକ୍ତ ପୁରୁଷୋତ୍ତମକୁ ଗିରଫ କରିଛି ପୋଲିସ ।

ପୋଲିସ ରୋଡ ରୋମିଓଙ୍କୁ ସାବାଡ କରିବା ସାଧାରଣ ଲୋକଙ୍କ ପ୍ରଶଂସା ଯୋଗ୍ୟ ହୋଇଛି  । କଲେଜ ସମୟରେ  ଏହି ଅସଭ୍ୟ ଯୁବକମାନଙ୍କ ଦୌରାତ୍ମ୍ୟ ବୃଦ୍ଧି ଘଟୁଥିଲା  । ଏମିତିକି ଛାତ୍ରୀଙ୍କ ପାଠ ପଢାରେ ବାଧକ ସାଜୁଥିଲେ  । ତେଣୁ ଏଥର କିନ୍ତୁ ଫସି ପାରିନଥିଲେ  । ଛାତ୍ରୀ ଜଣଙ୍କ ଅତିଷ୍ଠ ହୋଇ ଥାନାରେ ଏତଲା ଦେଇଥିଲେ  । ଯାହାକୁ ନେଇ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ  ।